0
0
Յաջորդաբար չորրորդ տարին ըլլալով, Պոսթընի մէջ պիտի կազմակերպուի հայկական ժապաւէններու փառատօն մը, կազմակերպութեամբ Հայ Թատերական Արուեստի Հիմնարկին` ADAA (Armenian Dramatic Arts Alliance):
Այս տարուայ փառատօնը պիտի կատարուի յառաջիկայ շաբաթավերջին, “Ֆրէշ Փոնտ“ շարժապատկերի սրահներէն (168 Alewife Brook Parkway, Cambridge, MA):
Այս ձեռնարկը կազմակերպուած է գործակցութեամբ “Վարդանանց Ասպետներ“ուն:
Ստորեւ, նկատի առնուած ժապաւէններն եւ ամբողջական յայտագիրը.-
Շաբաթ Նոյեմբեր 12, 2011
12:00.- “Moi, Michel G., milliardaire, maitre du monde“ (Michel G, King of the World) – Ֆրանսահայ Ստեփան Գազանճեանի բեմադրութեամբ, ժապաւէն մը, ուր երեւակայականօրէն կը ներկայացուի մեծ գործատէր մը, իր բազմազբաղութեամբ:
14:00.- “Charents: In Search Of My Armenian Poet“ – Հայրենի գրագէտ-բանաստեղծ Եղիշէ Չարենցին նուիրուած ժապաւէն մը, բեմադրութեամբ Շարին Անտերսընի, որ այցելած է բանաստեղծին ծննդավայր` Կարս:
16:00 Ici Bas (Down Here) – Կոմս Շահպազեանի պատրաստութեամբ հերաքրքրական վաւերագրական մը, ուր բեմադրիչը կը ներկայացնէ Հայաստանի ներկայ հարցերը:
17:00 “Le piano“ – Ամէնէն աւելի ծանօթ ժապաւէններէն մէկն է այս “Դաշնակը“, որ կը ներկայացնէ Գիւմրիի երկրաշարժէն վերապրած աղջնակի մը մասնակցութիւնը` դաշնակի միջազգային մրցանակի մը: Բեմադրութիւն Լեւոն Մինասեանի:
18:00 Barking Island (“Histoire de Chiens“) – Սերժ Աւետիքեանի այս վաւերագրականը, անցեալ տարի ալ ցուցադրուեցաւ: Քաննի փառատօնի մրցանակակիր, այս ժապաւէնը, կենդանի գծանկար մըն է, ուր կը պատմուի անցեալ դարասկիզբին, շուներու սպանդը…Պոլսոյ մէջ:
Կիրակի Նոյեմբեր 13, 2011
12:00 “Keepers of Memory“ – Ռուանտայի ջարդն է, որ կը ներկայացուի բեմադրիչ Էրիք Քապերայի կողմէ:
13:00 “Un Juillet a Ledjap“ (July in Ledjap) – Ֆրանսահայ Խաժակ Սուչեան կը նկարագրէ հեռաւոր գիւղ մը, Հայաստանի մէջ, Խորհրդայնացման փլուզումէն ետք:
14:30 “Here“ – Պրատըն Քինկի ժապաւէնը կը ներկայացնէ բարեկամութիւն մը` լուսանկարիչի մը եւ երկրաչափի մը միջեւ, Հայաստանի բնութեան գիրկին մէջ:
17:00 “Le Fils du Marchand D՛Olives“ (Le Fils du Marchand D՛Olives) – Մաթիէօ Զէյթունճիօղլու կը նկարագրէ իւրայատուկ իրավիճակ մը: Զոյգ մը կը ճամբորդէ Արեւմտահայաստան եւ կը հանդիպի զանազան անղուդարթերու:
