Հ. Յ. Դաշնակցութեան Ամերիկեան Ցամաքամասի Եւ Աւստրալիոյ Ռայոնական Ժողով

0 0
Read Time:37 Second

ARF

ՊՈՒԵՆՈՍ ԱՅՐԷՍ.- Հ.Յ.Դ. Բիւրոյի հրաւէրով Հ. Յ. Դաշնակցութեան Ամերիկեան ցամաքամասի եւ Աւստրալիոյ Ռայոնական ժողովը գումարուեցաւ Սեպտեմբեր 5-6ին, Արժանթինի մայրաքաղաք Պուենոս Այրէսի մէջ, մասնակցութեամբ Հ.Յ.Դ. Բիւրոյի, Հայաստանի Գերագոյն Մարմինի, Հայ Դատի Ուաշինկթընի գրասենեակի եւ ամերիկեան ցամաքամասի ու Աւստրալիոյ կազմակերպական հինգ շրջաններու մարմիններէն 22 ներկայացուցիչներու:
Իր չորս նիստերուն ընթացքին, Ռայոնական ժողովը բազմակողմանի քննութեան տակ առաւ Դաշնակցութեան եւ ընդհանրապէս հայութեան առջեւ ծառացած մարտահրաւէրները Հայաստանի, Արցախի, Ջաւախքի, Արեւմտեան աշխարհի, Միջին Արեւելքի մէջ եւ այլուր, ինչպէս նաեւ լսեց իւրաքանչիւր մարմինի գործունէութեան զեկուցումը եւ առաջարկները:
Հ.Յ.Դ. 125-ամեակի տօնակատարութիւններուն սեմին տեղի ունեցած այս քննարկումները յատկապէս կեդրոնացան Հայաստանի, Արցախի եւ Ջաւախքի զօրակցութեան, Հայաստանի սահմանադրական բարեփոխումներու հոլովոյթին, Սուրիոյ հայութեան դիմագրաւած դժուարութիւններուն, կազմակերպական հզօրացման, երիտասարդութեան ներգրաւման, Հայ Դատի աշխատանքներու հունաւորման եւ ազգային ներուժի ամրապնդման խնդիրներուն վրայ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Թուրք-Ամերիկեան Նոր Դիմակախաղը
Next post ՍԼԱՔ.- ՉՔՄԵՂԱ՞ՆՔԸ, ԹԷ՞ ՅԱՆՑԱՆՔԸ…

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles