ՀԱՄԱ-Հ.Մ.Ը.Մ.-ԱԿԱՆ 10-ՐԴ ԲԱՆԱԿՈՒՄԻ ՊԱՇՏՕՆԱԿԱՆ ԲԱՑՈՒՄ

0 0
Read Time:2 Minute, 24 Second

hmem 023

Համա-ՀՄԸՄական 10-րդ բանակումը արդէն իսկ ընթացք առած է Բիւրականի մէջ, Հայաստան, մասնակցութեամբ աւելի քան 750 սկաուտներու, որոնք Հայաստան ժամանած են 18 շրջաններէ։
Բանակումը սկսաւ Հինգշաբթի, Յուլիս 31, 2014-ին, դրօշակի պաշտօնական արարողութեամբ, որուն ընթացքին Բիւրականի ընդարձակուած եւ վերանորոգուած բանակավայրին մէջ կատարուեցաւ բացման ներքին հանդիսութիւն։hmem patsoum2
Ապա, Հ.Մ.Ը.Մ.¬ի Կեդրոնական վարչութեան անդամները բանակումի խմբապետական կազմին եւ շրջաններու գլխաւոր պատասխանատուներուն ընկերակցութեամբ ուղղուեցան Եռաբլուր, ուր ծաղկեպսակներ զետեղուեցան ՀՄԸՄ-ի Կեդրոնական վարչութեան անդամ նահատակ Վարդան Բախշեանի, Վիգէն Զաքարեանի շիրիմներուն վրայ ու յարգանքի տուրք մատուցուեցաւ Արցախեան պատերազմի նահատակներու յիշատակին։
hmem 044Յետմիջօրէին, բանակումի մասնակիցներու փառաւոր եւ տպաւորիչ տողանցքով Ազատութեան հրապարակէն ուղղուեցան Հանրապետութեան հրապարակ, ուր տեղի ունեցաւ պաշտօնական բացման հանդիսութիւն, ներկայութեամբ պետական եւ այլ պաշտօնական հիւրերու։ Ապա բոլորը ուղղուեցան Ծիծեռնակաբերդ, ուր տեղի ունեցաւ հոգեհանգստեան արարողութիւն՝ Ցեղասպանութեան զոհերու յիշատակին։
Նշենք թէ, Չորեքշաբթի, Յուլիս 30-ին, Երեւանի “Ուրբաթ“ լրատուական ակումբին մէջ տեղի ունեցաւ մամլոյ ասուլիս, բանակումին առնչուող տեղեկութիւններ եւ մանրամասնութիւններ փոխանցելու նպատակով։ Մասնակցեցան Հ.Մ.Ը.Մ.-ի Կեդրոնական վարչութեան անդամ եղբայրներ Կարպիս Գապասագալեան եւ Բագրատ Եսայեան, Հ.Մ.Ը.Մ.¬Հ.Ա.Ս.Կ.-ի ատենապետ եղբ. Օշին Փիրումեան եւ բանակումի ընդհանուր խմբապետ եղբ. Վաչէ Նաճարեան։hmem patsoum1
Եղբ. Կարպիս Գապասագալեան առաջին հերթին փոխանցեց Համա-Հ.Մ.Ը.Մ.-ական բանակումներու նպատակը՝ յատկապէս շեշտելով 1994-էն սկսեալ զանոնք Հայաստանի մէջ կազմակերպելու իւրայատկութիւնն ու ունեցած պատգամը։ Ան նշեց, թէ ասիկա 6րդ ընդհանուր բանակումն է, որ Հ.Մ.Ը.Մ. կը ծրագրէ եւ կ՛իրագործէ մայր հայրենիքի մէջ, անոր ճամբով հայեցի դաստիարակութիւնը ամրապնդելու աշխարհի չորս ծագերէն համախմբուած մասնակիցներուն մօտ։ Եղբ. Բագրատ Եսայեան դիտել տուաւ, որ այս տարուան բանակումը յոբելենական բանակում է, որովհետեւ 10րդն է իր տեսակին մէջ, իսկ Դեկտեմբերին կ՛ամբողջանայ նաեւ Հ.Մ.Ը.Մ.-ի Հայաստանի մէջ վերընձիւղման 25ամեակը։ Ան յայտնեց, որ Հ.Մ.Ը.Մ. մաս կը կազմէ Համաշխարհային սկաուտութեան՝ Հ.Մ.Ը.Մ.-Հ.Ա.Ս.Կ.-ի ճամբով ու նշեց, որ առաջին անգամ ըլլալով Եւրասիոյ քանի մը երկիրներէ հիւրաբար մասնակիցներ պիտի միանան սոյն բանակումին՝ իւրայատուկ փորձառութիւնը ապրելու համար։
Եղբ. Օշին Փիրումեան փոխանցեց, որ Համա-Հ.Մ.Ը.Մ.-ական բանակումները մեծ թիւով մասնակիցներ կը ներգրաւեն սփիւռքէն ու Հայաստանէն։ Ան նշեց, որ նախորդ բանակումներուն, բանակավայրի սահմանափակ տարածութեան պատճառով սահմանափակուած է նաեւ մասնակիցներու թիւը։ Ան բացատրեց, որ նախորդ Համա-Հ.Մ.Ը.Մ.-ական բանակումին այս ուղղութեամբ դիմուած է կառավարութեան, որ յատուկ դասաւորումով ընդարձակած է բանակավայրի սահմանները, իսկ Հայաստանի նախագահ Սերժ Սարգսեանի եւ “Փիւնիկ“ մարդկային պաշարներու հիմնադրամի պատուոյ նախագահ Գաբրիէլ Չէմպէրճեանի օժանդակութեամբ տրամադրուած տարածքը պատշաճեցուած է արդիական բանակավայրի բոլոր յարմարութիւններուն։ Փիրումեան նշեց, թէ յառաջիկայ բանակումներուն արդէն իսկ կարելի է ընդունիլ հազար մասնակիցներ։
hmem 030  Եղբ. Նաճարեան ներկայացուց բանակումի նախապատրաստական աշխատանքներն ու յայտագիրը։ Ան նշեց, որ բանակումին ընթացքին պիտի գործադրուին սկաուտական զանազան աշխատանքներ, որոնց զուգահեռ բանակողները առիթ պիտի ունենան ծանօթանալու հայոց պատմութեան դասագիրքերուն մէջ յիշուած զանազան տեսարժան վայրերուն։ Բանակողները պիտի այցելեն նաեւ Վանաձորի զօրանոց՝ մօտէն ծանօթանալու հայկական բանակին։ Իսկ Օգոստոս 9, 2014ին Բիւրականի բանակավայրի մէջ տեղի պիտի ունենայ փակման հանդիսութիւն։ Նաճարեան իր խօսքը եզրափակեց շեշտելով 750է աւելի մասնակիցներուն հայրենի հողին ու ջուրին հետ շաղախուելու իւրայատուկ փորձառութեան կարեւորութիւնը։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles