0
0
Երկար դադարէ մը ետք, Արեւելեան Ա.Մ.Ն.ի Համազգայինը, վերստին կազմակերպեց »Համախմբում« անունով ձեռնարկը, որ կ՛ընդգրկէ մշակութային զանազան բնագաւառներ: Այս տարուայ ձեռնարկը տեղի պիտի ունենայ Շաբաթ, Ապրիլ 30-ին:
Առաջին հերթին, պիտի ցուցադրուի Էրիք Նազարեանի ’’Պլու Հաուր’’ ժապաւէնը; Ապա ընթրիքէն ետք, տեղի պիտի ունենայ դասախօսութիւն` »Հայաստանը` Քոնկրէսի գրադարանէն ներս«, որ պիտի ներկայացուի Դոկտ. Լեւոն Անտոյեանի կողմէ:Ապա Մայքըլ Պապոյեան անգլերէնով պիտի ներկայացնէ իր վերջին գիրքը` »Children of Armenia: A Forgotten Genocide and the Century-long Struggle for Justice«:
Նիւ Եորքի ’’Զուլալ ’’ եռեակի ելոյթով պիտի աւարտի այս »Համախմբում«ը:
Նշենք թէ, այս ձեռնարկին առթիւ, յատուկ մրցանքներ պիտի բաժնուին, մշակութային եւ գրական բնագաւառներէ ներս գործող երիտասարդներու:
