Այլազան
ԽՄԲԱԳՐԱԿԱՆ.- ՊՈՒԼԿԱՐԻՈՅ ԽՈՐՀՐԴԱՐԱՆԻ ԿՐԱՒՈՐԱԿԱՆ ԴԻՐՔՈՐՈՇՈՒՄԸ
Քանի մը շաբաթ առաջ, Ֆրանսայի Խորհրդարանի որոշումէն եւ մանաւանդ նախագահ Սարքոզիի կատարած կարգ մը արտայայտութիւններէն ետք, թէ Եւրոպական բոլոր երկիրները պարտին ճանչնալ Հայոց Ցեղասպանութիւնը եւ որդեգրեն ժխտումը քրէականացնող օրինագիծը, կարելի չէր ենթադրել կամ եզրակացնել թէ այս ճանաչման որոշումը պիտի տարածուէր երկրէ երկիր, հին Ցամաքամասէն ներս, անցեալ տարեսկիզբին Հիւսիսային Ափրիկէէն ծայր առած արաբական գարնանային յեղափոխութեան նման:

