Լուրեր Նիւ Եորքէն.– ԽԱՉԻ ՎԵՐԱՏԵՂԱԴՐՈՒՄ Մ.Ա.Կ.-Ի ԿԵԴՐՈՆԱՏԵՂԻԷՆ ՆԵՐՍ

0 0
Read Time:53 Second

k1

ՅԱԿՈԲ ՎԱՐԴԻՎԱՌԵԱՆ

Միացեալ Ազգերու Կազմակերպութեան Կեդրոնատեղիի հիմնական վերանորոգման շրջանին 1975ին պաշտօնապէս տեղադրուած 12րդ դարու Գեղարդէն բերուած խաչքարը տարուած էր Նիւ Եորքի Մեթրոփոլիթըն թանգարանը, ժամանակաւորապէս վերանորոգուելու եւ պահ դրուելու համար։

Ապրիլ 15ի երեկոյեան, Մ.Ա.Կ.-ի մօտ Հ.Հ. Մշտական Ներկայացչութեան դեսպան Զօհրապ Մնացականեանի հրաւէրով շրջանի ծանօթ ազգայիններ, Մ.Ա.Կ.-ի դիւանագէտներ եւ արուեստագէտներ հրաւիրուեցան խաչքարի վերատեղադրման արարողութեան ներկայ գտնուելու։ Ներկայ էին Առաջնորդներ Խաժակ Արք. Պրսամեան, Օշական Արք. Չօլոյեան եւ այլ հոգեւորականներ եւս։k2

Բացման խօսքով հանդէս եկաւ պարոն դեսպանը եւ տուաւ բացատրութիւններ այս խաչքարի ճակատագրին հետ կապուած։ Այնուհետեւ անդրադարձաւ մշակութային եղեռնի մասին, որ մինչեւ այսօր ալ կը շարունակուի մեր սրբավայրերու թէ ազգային ճարտարապետական հարստութիւններու վրայ։

Խօսք առաւ Թանգարանի Միջին Դարու արուեստներու բաժանմունքի պատասխանատու Դոկտ. Հելէն Իվընսը, որ անձամբ հսկած էր այս խաչքարի տեղափոխութեան ու մաքրութեան աշխատանքին։ Ան ներկայացուց խաչքարին իմաստը, ունեցած իւրայատուկ նշանակութիւնը արուեստի աշխարհին մէջ եւ խորհուրդը` քրիստոնեական հաւատքին ընդմէջէն։

Ազգերու այս մեծ տան մէջ, տարբեր ժողովուրդներու արուեստի ստեղծագործութեանց ցուցադրութեան հետ, հայկական խաչքարը ունի մասնաւոր նշանակութիւն, նախ անոր համար որ այդ պատմական հնադարեան արժէք մը կը ներկայացնէ, ապա` կը խորհրդանշէ հայոց քրիստոնէութեան ընդունման անդրանկութեան իրաւունքը։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles