Ի Յիշատակ Վահան Յովհաննիսեանի` Հ.Յ.Դ. Պատանեկան Միութեան Համահայաստանեան Բանակում
Հայաստանի Հանրապետութեան տարբեր մարզերէն աւելի քան հարիւր պատանիներ այս շաբաթ կ՛անցընեն Հ.Յ.Դ. Հայաստանի պատանեկան միութեան` Քանաքեռաւանի մէջ գտնուող բանակավայրին մէջ: Այս բանակումը նուիրուած է դաշնակցական գործիչ ու մտաւորական Վահան Յովհաննիսեանի յիշատակին: Ընտրութիւնը խորհրդանշական է, այն իմաստով որ, Օգոստոս 16-ին կ՛ամբողջանար Վահան Յովհաննիսեանի 60-ամեակը:
Բանակումի բացման արարողութեան հիւրերէն էր Վիքթորիա Յովհաննիսեան, որ նախ ողջունեց պատանիները, ապա կարդաց իր եղբօր` Վահան Յովհաննիսեանի` հինգ տարեկանին գրած բանաստեղծութիւնը:
Վիքթորիա Յովհաննիսեան ըսաւ. «Բանակային կանոնները մատաղ սերունդը ճիշդ դաստիարակելու տարբերակներէն են: Տակաւին փոքր տարիքէն այդպէս կը մտածէր նաեւ Վահան Յովհաննիսեան. մանկական յիշողութիւններն են փաստը»:
Խմբային աշխատանքներ, դասախօսութիւններ, այլ ձեռնարկներ եւ շատ աւելին պիտի ունենան կատարելիք հանրապետութեան տարբեր մարզերէն եկած պատանիները:
Այս տարի արդէն երկրորդ համահայաստանեան բանակումն է, որ տեղի կ՛ունենայ Հ.Յ.Դ. Հայաստանի պատանեկան միութեան կազմակերպութեամբ:
