ԻՏԱԼԻՈՅ ԾԵՐԱԿՈՅՏԻ ՏԱՆ ՄԷՋ ԳԻՏԱԺՈՂՈՎ ՀԱՅՈՑ ՑԵՂԱՍՊԱՆՈՒԹԵԱՆ ՄԱՍԻՆ

0 0
Read Time:1 Minute, 6 Second
Երեսփոխան Ֆլաւիա Նարտելի Փիքոլի
Երեսփոխան Ֆլաւիա Նարտելի Փիքոլի

Իտալիոյ Ծերակոյտի տան մէջ, տեղի ունեցաւ ,Հայերը Ցեղասպանութիւն եւ Իտալական՝ 20րդ դար» խորագիրով գիտաժողովը, որ կազմակերպուած էր Իտալիոյ երկու պալատներուն կողմէ ձեւաւորուած Հայաստանի հետ բարեկամութեան խումբը՝ Իտալիոյ մօտ Հ.Հ. դեսպանութեան կողքին, ներկայ էին իտալացի ծերակուտականներ եւ երեսփոխաններ, հասարակական գործիչներ, ուսանողներ, լրագրողներ եւ իտալահայ համայնքի ներկայացուցիչներ:

Ողջոյնի խօսքով ներկաներուն դիմեցին բարեկամութեան խումբի խորհուրդի նախագահ, ծերակուտական Էմիլիա Կրացիա Տէ Պիազի, փոխնախագահ, երեսփոխան Ֆլաւիա Նարտելի Փիքոլի, խումբի անդամ պատգամաւոր Սանտրա Զամփան, ինչպէս նաեւ Իտալիոյ մօտ Հ.Հ. դեսպան Սարգիս Ղազարեան:

Ծերակուտական Էմիլիա Կրացիա Տէ Պիազի
Ծերակուտական Էմիլիա Կրացիա Տէ Պիազի

Գիտաժողովի բանախօսներն էին Ցեղասպանագէտներու միջազգային ասոցիացիայի նախագահ, Սիենայի համալսարանի պատմագիտութեան դասախօս, փրոֆեսէօր Մարչելօ Ֆլորէս, Հռոմի Լումսա համալսարանի դասախօս փրոֆեսէօր Փաուլօ Աքանֆորա, յայտնի գրող, Փատովայի համալսարանի իտալական արդի գրականութեան դասախօս, փրոֆեսէօր Անթոնիա Արսլան, Պոլոնիայի համալսարանի հայագիտութեան ամպիոնի վարիչ Կապրիէլա Ուլուհոճեան եւ Իտալիոյ հայերու միութեան նախկին նախագահ, Միլանի ու Թրենթոյի համալսարաններու ընկերաբանութեան դասախօս, փրոֆեսէօր Յակոբ Մանուկեան:

Ծերակուտական Տէ Պիազի ընթերցեց Իտալիոյ նախագահի գլխաւոր քարտուղար Տոնաթօ Մարոյի՝ նախագահ Նափոլիթանոյի եւ Ծերակոյտի նախագահ Փիեթրօ Կրասոյի անունով՝ գիտաժողովին յղուած ողջոյնի ուղերձներըը:

Ծերակուտական տէ Պիազի իր խօսքին մէջ անդրադարձաւ իսլամականներու կողմէ Տէր Զօրի Սրբոց Նահատակաց եկեղեցւոյ ականահարման եւ յայտարարեց, որ իրաւունք կը վերապահէ ինքն իր անձին՝ Իտալիոյ քաղաքական եւ հասարակական շրջանակներու անունով դատապարտելու այդ բարբարոսութիւնը եւ համերաշխութիւն յայտնելու հայ ժողովրդին:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles