Էրտողանի եւ Թրամփի Թեկնածու՝ Տոքթ․ Օզի Պարտութիւնը

0 0
Read Time:1 Minute, 28 Second

ՖԻԼԱՏԵԼՖԻԱ․- Հայ Դատի յանձնախումբը հետեւողական աշխատանք տարած էր, պայքարելու համար Հայոց Ցեղասպանութիւնը մերժող, ծագումով թուրք թեկնածու Մեհմէտ Օզին (Հանրապետական) դէմ, որ թեկնածու էր շրջանի ծերակուտական աթոռին համար։ Շրջանի յունական, հրէական եւ քրտական կառոյցներու հետ գործակցելով, կարելի եղաւ պարտութեան մատնել Էրտողանի եւ Թրամփի մօտիկ բարեկամ տոքթ․ Օզը։
«Պատմական յաղթանակ մը արձանագրեցինք։ Փենսիլվանիոյ նահանգին համար կարեւոր էր այս իրագործումը։ Աւելի քան տարիէ մը ի վեր գործի լծուած էինք, կապ հաստատելով քուէարկողներու հետ եւ բացատրելով վտանգաւոր կացութիւնը։ Յաջողեցանք եւ պիտի շարունակենք գործել Հայ Դատի թեկնածու կառավարիչ Ճոն Ֆեթերմանի հետ», ըսաւ Հայ Դատի կեդրոնական գրասենեակի ղեկավար՝ Ռաֆֆի Համբարեան։
Փենսիլվանիոյ Հայ Դատի գործիչներէն՝ Լորիկ Պարոնեան, իր կարգին շեշտեց․ «Հայոց Ցեղասպանութիւնը մերժողները տեղ չունին եւ պիտի չունենան։ Արդէն իսկ ամիսներ առաջ, Ա․Մ․Ն․-ի նախագահ Պայտընը այս գծով պատշաճ յայտարարութիւն մը կատարած էր»։
Տոքթ․ Օզ յայտնի սրտի վիրաբոյժ է եւ 2000-ականներու սկիզբէն ի վեր առողջապահութեան նուիրուած հեռուստատեսային շարք մը հաղորդումներ կը վարէ, որոնցմէ ամենէն աւելի ազդեցիկը ամերիկեան հեռուստատեսութեան հանրածանօթ եւ մեծ ժողովրդականութիւն վայելող Օփրա Ուինֆրիի հաղորդման շրջանակներուն մէջ: Տոքր․ Օզ այդ հաղորդումներու ընթացքին իր մասնագիտութեան մասին կը խօսէր, բայց հետզհետէ սկսած էր քաղաքական նիւթեր արծարծել։
2017-ին, Մեհմէտ Օզ մասնակցած էր Նիւ Եորքի մէջ կազմակերպուած թրքական շքերթին` լուսանկարուելով Թուրքիոյ արդարադատութեան նախարար Ապտուլհամիտ Կիւլի հետ:
Ըստ ամերիկեան աղբիւրներու, Օզը սերտ կապեր ունի թրքական պետութեան անմիջական վերահսկողութեան ներքոյ գործող երկու ամերիկեան կառոյցներու` Թուրք-Ամերիկեան Ազգային Ղեկավար Կոմիտէի եւ Կրօնական Հարցերու թրքական գործակալութեան` Diyanet-ի ամերիկեան մասնաճիւղին հետ:
Նշենք, թէ Ա․Մ․Ն․ ապաստանած Ֆեթուլլահ Կիւլենի հետ առնչութիւններ ունենալու պատճառով թրքական քաղաքացիութենէն զրկուած յայտնի պասքէթպոլիստ Էնես Քանթըր, որ մօտէն կը հետաքրքրուի քաղաքականութեամբ, իր կարգին բռնօրէն կը քննադատէ Օզը։
«Մարդիկ պէտք է հասկնան, որ այս մարդը Էրտողանի գրպանին մէջն է: Ան պիտի ընէ այն, ինչ Էրտողանը կը փափաքի: Եթէ ան ընտրուի, ապա պիտի ըլլայ Էրտողանի ձեռքը Ծերակոյտին մէջ», կ՛ըսէ Քանթըր։

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles