Հ.Բ.Ը.Մ.-ը 1,1 միլիոն տոլարի կրթանպաստներ շնորհած է

0 0
Read Time:2 Minute, 9 Second
թաւջութակահար Վարդան Գասպարեան
թաւջութակահար Վարդան Գասպարեան

Յատուկ հաղորդագրութեամբ մը, Հ.Բ.Ը.Մ.-ը կը տեղեկացնէ թէ, 2013-2014 կրթական տարեշրջանի ընթացքին, 1,1 միլիոն տոլարի կրթանպաստներ շնորհած է զանազան արուեստագէտներու եւ հիմնարկներու: Այս գումարէն կ՛օգտուին մօտաւորապէս չորս հարիւր համալսարանական ուսանողներ, որոնք կ՛ուսանին մօտաւորապէս 35 երկիրներու մէջ: Հարիւր համալսարանականներ կ՛ուսանին Միացեալ Նահանգներու զանազան համալսարաններէ ներս եւ ընդամէնը ստացած են չորս հարիւր հազար տոլար գումար արժող կրթանպաստներ:

Միջազգային իրաւական հարցերու ճիւղէն ներս մասնագիտացող` Ռիմա Կարապետեան
Միջազգային իրաւական հարցերու ճիւղէն ներս մասնագիտացող` Ռիմա Կարապետեան

Նպաստ ստացողներէն մէկն է Պոլսոյ Կեդրոնական վարժարանի շրջանաւարտներէն` Մոնիքա Մանիշակը, որ պիտի ուսանի Իզմիրի համալսարաններէն մէկուն մէջ, եւ իր ուսումը աւարտելէ ետք` ուսուցչութիւն պիտի կատարէ Կեդրոնական վարժարանէն ներս: Կրթանպաստ ստացած է է նաեւ Ռիմա Կարապետանը, որ կ՛ուսանի Հոլանտայի Լայտըն քաղաքի համալսարանին մէջ եւ կը մանագիտանայ  միջազգային իրաւական հարցերու ճիւղին մէջ: Կարապետան, որոշած է ուսումը աւարտելէ ետք` Հայաստանի Արտաքին Գործոց նախարարութեան մօտ աշխատիլ:

Օփերայի երգիչ Արամ Օհանեան
Օփերայի երգիչ Արամ Օհանեան

Օփերայի երգիչ Արամ Օհանեան կը մասնագիտանայ Պեռնի (Զուիցերիա) արուեստի համալսարանին մէջ, եւ մօտ օրէն ելոյթ պիտի ունենայ Պեռնի եւ Ամսթերտամի մէջ, գործակցելով »Լա Սեթրա« խումբին հետ: Օհանեան երախտապարտ է եւ կը հաստատէ թէ, առանց այս նիւթական օժանդակութեան, պիտի չկարենար ուսումը շարունակել: Երեւանէն Վարդան Գասպարեան, թաւջութակի իր մասնագիտացումը կը կատարէ Գալիֆորնիոյ “Քոլպըրն“ երաժշտանոցէն ներս: Երկու տարի շարունակ հետեւած ամառնային դասընթացքներու, Մէյն նահանգէն ներս, Գասպարեան 2012-ին ելոյթ ունեցած է Հ.Բ.Ը.Մ.-ի կազմակերպած երիտասարդներու նուիրուած ձեռնարկին: Կրթանպաստ ստացող յատկանշական ուսանողներէն մէկն է նաեւ Լոնտոնի Երաժշտութեան թագաւորական հիմնարկի ուսանող Արփինէ Քալինինան, որուն կազմած “Կանթեղ“ նուագախումբը արժանացած է բազմաթիւ միջազգային մրցանակներու: Իսկ անոր յօրինումներու անդրանիկ կատարումներէն քանի մը հատը Լոնտոնի մէջ կայացած են, եւ այս գործերէն մէկը ներշնչուած է Եղիշէ Չարենցի գործերէն: Շարժապատկերի եւ պատկերասփիւռի մարզերուն մէջ, Հարաւային Գալիֆորնիոյ համալսարանէն ներս մասնագիտացած Մարտիրոս Վարդանով, իր կարգին շնորհիւ Հ.Բ.Ը.Մ.-ի կատարած օժանդակութեան, կրցած է մասնագիտութիւնը  շարունակել:

 Պոլսոյ Կեդրոնական վարժարանի շրջանաւարտներէն` Մոնիքա Մանիշակ

Պոլսոյ Կեդրոնական վարժարանի շրջանաւարտներէն` Մոնիքա Մանիշակ
Մարտիրոս Վարդանով` Քէյթ Սարոյեանի եւ դերասան Ճոն Վոյթի հետ
Մարտիրոս Վարդանով` Քէյթ Սարոյեանի եւ դերասան Ճոն Վոյթի հետ

Ան վաւերագրական մը պատրաստելու ընթացքին մէջն է: Նաեւ, Վարդանով հայ մշակոյթը լուսարձակի տակ առնող շարք մը ձեռնարկներ կազմակերպած է, որոնց կարգին Գալիֆորնիոյ մէջ Ուիլիըմ Սարոյեանին նուիրուած հանդիսութիւն մը, ներկայութեամբ անոր թոռնուհիներէն` Քէյթին: Նաեւ Քորէայի Փուզան քաղաքին մէջ, Վարդանով դասախօսած է Սերգէյ Փարաճանովի եւ Միքայէլ Վարդանովի մասին: Նպաստ ստացողներու շարքին է նաեւ ուսանողներ` Տօնա Ռըզք եւ Քեթրին Աճապահեան, որոնք կրօնական ուսումնասիրութիւններու մարզէն ներս, Աստուածաբանութիւն կ՛ուսանին: Յառաջիկայ տարիներուն ալ Հ.Բ.Ը.Մ. պիտի շարունակէ կրթանպաստ յատկացնել երիտասարդ եւ ապագայ խոստացող արուեստագէտներու:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles