ԵՒՐՈԽՈՐՀՐԴԱՐԱՆԻ ԱՆԴԱՄ՝ ԷԼԷՆԻ ԹԷՕԽԱՐՈՒՍ ԱՅՑԵԼԵՑ ՀԱՅԱՍՏԱՆ

0 0
Read Time:1 Minute, 42 Second

HRANT WITH GREEK

ՊՐԻՒՔՍԷԼ.- Հոկտեմբեր 9-ին, Եւրոխորհրդարանէն ներս, Եւրոպական Միութիւն – Հայաստան բարեկամութեան խումբի նախագահ՝ եւրոերեսփոխան Դոկտ. Էլէնի Թէոխարուս այցելեց Հայաստան: Անոր կ՚ընկերակցէին իր խորհրդատուն՝ Իոաննիս Խարալամպիտիս, Պելճիքայի Լէօվէն քաղաքի կաթողիկէ համալսարանի դասախօս Պեռնար Քուլի, եւ Եւրոպայի Հայ Դատի յանձնախումբի նախագահ՝ Գասպար Կարապետեան:
Երեւանի մէջ պատուիրակութիւնը այցելեց Հայկական Ցեղասպանութեան յուշակոթող՝ Ծիծեռնակաբերդ, ապա հանդիպումներ ունեցաւ Հ.Հ. նախագահ Սերժ Սարգիսեանի, Հ.Հ. Ազգային ժողովի նախագահ՝ Գալուստ Սահակեանի, եւ Հ.Հ. Ազգային Ժողովի Արտաքին յարաբերութեանց մշտական յանձնաժողովի նախագահ՝ Արտակ Զաքարեանի հետ:
Եւրոերեսփոխան Էլէնի Թէոխարուս Հ.Հ. Ազգային Ժողովին կողմէ արժանացաւ պատուոյ մետալի:
“Հայաստանի եւ Արցախի ղեկավարութեանց հետ նման բարձր մակարդակի հանդիպումները մեզի համար կարեւոր են: Հայստանը անկեղծ բարեկամներ ունի Եւրոպայի մէջ, որոնք Հայաստանի դիրքերը կ՚ամրացնեն Եւրոմիութեան մէջ. յառաջիկայ տարիներուն ա՚լ աւելի պիտի խթանուին ակադեմական եւ կրթութեան ոլորտներու մէջ համագործակցութիւնը“, ըսաւ Գասպար Կարապետեան, Եւրոպայի Հայ Դատի յանձնախումբի նախագահը: Կարապետեան նաեւ բարձր գնահատեց հայ ժողովուրդին եւ Արցախի երկար տարիներու բարեկամ Թէոխարուսին յանձնուած պատուոյ շքանշանը:
Պատուիրակութիւնը զրուցեց Եւրոպական միութիւն – Հայաստան վերջին զարգացումներուն մասին, Միջին արեւելքի ճգնաժամին ու յատկապէս Իրաքի եւ Սուրիոյ փոքրամասնութեանց հալածանքներուն շուրջ, ինչպէս նաեւ Արցախի հիմնահարցի լուծման, եւ հակահայ թուրքեւազերի յարձակողապաշտութեան մասին:GREEK SARGSYAN
Թէոխարուս այցելեց Հայ Յեղափոխական Դաշնակցութեան “Քրիստափոր Միքայէլեան“ կեդրոնը, եւ հանդիպում մը ունեցաւ Հ.Յ.Դ. Բիւրոյի ներկայացուցիչ՝ Հրանդ Մարգարեանի հետ:
Թէոխարուս եւ Մարգարեան զրուցեցին Արցախի հիմնահարցի, Հայաստանի եւ տարածաշրջանային զարգացումներուն շուրջ: Տիկին Թէոխարուս բարձր գնահատեց Հ.Յ.Դ.-ի գործունէութիւնը, եւ նշեց իր երկարամեայ ծանօթութիւնը կուսակցութեան հետ, Կիպրոսի կոմիտէութեան հետ գործակցութեան ճամբով: Հրանդ Մարգարեան Թէոխարուսին յանձնեց Հ.Յ.Դ. հրատարակութեամբ գիրք եւ պատմական ալպոմ:
Հանդիպումէն ետք, անոնք այցելեցին Հայ Յեղափոխական Դաշնակցութեան պատմութեան թանգարանը:
Պատուիրակութիւնը ուղղուեցաւ Արցախ, ուր հանդիպումներ պիտի ունենայ երկրին ղեկավարութեան հետ. պիտի արծարծուին Եւրոպայի մէջ Արցախի ճանաչման հարցը, զբօսաշրջիկութեան յաւելեալ խթանումը եւ այլ կարեւոր հարցեր: Համաձայնագիր մը նաեւ պիտի ստորագրուի Արցախի պետական համալսարանի եւ Լէօվէնի կաթողիկէ համալսարանին միջեւ:
Մօտ օրէն, երկու տարբեր ձեռնարկներ տեղի պիտի ունենան Եւրոխորհրդարանին մէջ: Պիտի ներկայացուի Աննա Աստուածատրեան Թարքոթի “Ոչ Մէկ Տեղ. Աքսորի Պատմութիւն“ գիրքը, որ հալածուած հարիւր հազարաւոր ատրպէյճանահայութեան ձայն կու տայ, եւ յատկապէս՝ Արցախի 23-րդ անկախութեան առթիւ հիւրասիրութիւնը: Հոկտեմբերի մէջ նաեւ, Եւրոպայի զանազան երկիրներու մէջ պիտի ցուցադրուի Ճիւան Աւետիսեանի “Թեւանիկ“ ժապաւէնը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles