ԳԱԼ ՏԱՐԻ՝ ՎԱՆ (Բ. ՄԱՍ) ՊԱՏԱՌԻԿՆԵՐ՝ ԵՐԱԶԱՅԻՆ ԱՐԵՒՄՏԱՀԱՅԱՍՏԱՆԷՆ ՃԱՆՉՆԱՆՔ ԹՈՒՐՔԻԱՆ

0 0
Read Time:10 Minute, 48 Second

p14-15 kourouyan

ՎԱՐԴԳԷՍ ԳՈՒՐՈՒԵԱՆ

 

Իւրաքանչիւր բանիմաց հայու համար անհրաժեշտ է որ ան կարելիութեան սահմաններուն մէջ լաւ ճանչնայ Թուրքիան եւ Թուրքերը: Մենք կը սիրենք վարկաբեկել Թուրքիան, արհամարհել եւ նուաստացնել զայն: Սակայն, որպէս մեր ոխերիմ եւ մահացու թշնամին, մենք պէտք է շատ լաւ ճանչնանք Թուրքիան եւ ըստ այնմ պատրաստուինք դիմագրաւելու զինք եւ պայքարելու իր դէմ:

 

ԹՈՒՐՔԻՈՅ ՏԱՐԱԾՈՒԹԻՒՆՆ ՈՒ

ԱՐՏԱԴՐՈՒԹԻՒՆՆԵՐԸ

Թուրքիոյ հողային տարածութիւնն է 780,450 քառ. Քլմ. կամ 302,000 քառ. մղոն (Հայաստանի տարածքը՝ 29,800 քառ. քլմ): Ան թերակղզի մըն է, շրջապատուած Սեւ (հիւսիւս), Մարմարա (արեւմուտք) եւ Միջերկրական (հարաւ) ծովերով: Արեւելեան կողմէն սահմանակից է Վրաստանի, Հայաստանի եւ Պարսկաստանի: Ունի 7200 քլմ. կամ 4480 մղոն երկարութեամբ ծովեզերք:

Թուրքիա շատ հարուստ երկիր մըն է: Ճարտարարուեստի մարզին մէջ ունի հիւսուածեղէնի, պահածոյ ուտեստեղէններու, գիւղատնտեսական գործիքներու, փոխադրական սպասարկութեան պիտոյքներու, ինչպէս հաեւ զինամթերքի արտադրութեան համար անհրաժեշտ արհեստանոցներն ու գործարանները: Որպէս արդիւնք անոր հարուստ հանքային հարստութեան եւ երկրագործական լայն հնարաւորութիւններուն, Թուրքիան ներկայիս դարձած է արդիւնաբերութեան առաջնատար երկիր մը՝ օժտուած ժամանակակից արեւմտեան թեքնոլոճիայով: Ունի քարիւղի, պողպատի եւ այլ տեսակի մետաղներու արտադրութիւններ: Առատօրէն կ’արտադրէ նաեւ բամպակ, ծխախոտ,  հացահատիկներ, ձիթապտուղ, պտուղներու տեսակներ, բանջարեղէններ եւ այլ բազմաթիւ երկրագործական արտադրութիններ: Թուրքիոյ ծովեզերքը անշուշտ անոր կը հայթայթէ թօներով ձուկերու տեսակներ:

Թուրքիա այցելած զբօսաշրջիկներու թիւը վերջին տարիներուն տասնապատկուած է: Միլիոնաւոր զբօսաշրջիկներ Թուրքիա կ’այցելեն վայելելու անոր բնական գեղեցկութիւնները, բարեխառն կլիման եւ համադամ ճաշերը (եւ այլ բաներ…): Միայն 2014-ին, Յունուարէն Մայիս ամիսներուն, 10.9 միլիոն զբօսաշրջիկ այցելած է Թուրքիա: 2000-2013, զբօսաշրջիկներու թիւը աւելցած է 335 առ հարիւրով:

 

ԹՈՒՐՔԻՈՅ ԲՆԱԿՉՈՒԹԻՒՆԸ

Թուրքիան ունի 76-78, միլիոն բնակչութիւն: (1927-ին՝ 13,554,000, 1960-ին՝ 24,506,000,  2000-ին՝ 64,252,000,  2012-ին՝ 75,627,000)  Ըստ բնակչութեան աճով զբաղուող գիտնականներու, 2025-ին Թուրքիան պիտի ունենայ 91,000,000 բնակչութիւն: Վստահաբար  2050-ին Թուրքիոյ բնակչութեան թիւը պիտի անցնի 100,000,000-ը… Բաղդատաբար, Հայաստանը այսօր ունի 2,800,000 -էն 3,200,000 բնակչութիւն…2050-ի՞ն: Հոս յիշեցնեմ որ վերջերս (Յունուար, 2015) Թուրքիոյ վարչապետ Տաւութօղլուն նոր առաջարկ մը ներկայացուց, ըստ որուն, համալսարան յաճախող աղջիկները եթէ ուսանած ատեն կամ շրջանաւարտ ըլլալէն անմիջապէս ետք ամուսնանան  եւ խոստանան նուազագոյնը երեք զաւակ բերել, իրենց համալսարանի պարտքէն 10,000 թրքանան լիրա (4,000 տոլար) պիտի ներուի, եւ եթէ ուզեն համալսարանի մէջ բնակիլ մինչ կ’ուսանին, իրենց անվճար բնակարան պիտի տրամադրուի (տակաւին խոստացուած է բազմաթիւ դրամական եւ այլ նուէրներ եւ խթաններ):

Ըստ Թրքական պաշտօնական աղբիւրներու, Թուրքիոյ բնակչութեան 80 տոկոսը թրքական կամ թուրքիկ-Սելճուքեան ծագում ունին: Թուրք են: Սակայն ըստ այլ մասնագէտներու եւ մեր շրջապտոյտի առաջնորդին, որ Խրիմէն էր, թուրք եւ իսլամ, պատկերը բոլորովին տարբեր է:

Ըստ միջազգային մասնագէտներու եւ մեր շրջապտոյտի առաջնորդ՝ Իսա Լավանդ Կիւրչավտէի, Թուրքիոյ մէջ կ’ապրին 15-17,միլիոն Քիւրտեր (ոմանք 20,-22,միլիոն կու տան քիւրտերուն թիւը), 16- 17,միլիոն Լազեր (Սեւ Ծովուն եզերքը), 8 միլիոն Եուկոսլաւներ եւ Ալպաններ, 4-5 միլիոն Կովկասեան Ապազէներ, 4-5 միլիոն Չէրքէզներ, 2,միլիոն Թաթարներ, 1,500,000 Արաբներ, 500,000-1,000,000 Ասորիներ, 150,000 Հայեր (որոնց 100,000ը՝ Հայաստանցիներ), մօտ 100,000 Եւրոպացիներ եւ 60,000 Հրեաներ: Գումար՝ շուրջ 55,000,000: Տարբեր, ոչ թրքական աղբիւրներ ալ այն կարծիքը ունին որ Թուրքիոյ բնակչութեան կէսէն աւելին ոչ-թուրք ժողովուրդներ են: Հաւանաբար այս թուրքերուն  եւ `քիւրտերուն մէջ տակաւին կան 1- 2.5 միլիոն թրքացած կամ քրտացած հայեր (ըստ ոմանց՝ 2,000,000 – 3,000,000):

Ուրեմն, Թուրքիոյ բնակչութեան աւելի քան 50 տոկոսը ոչ-թրքական ծագում ունի: Սակայն եւ այնպէս, շատ մեծ աշխատանք կը տարուի այս բոլոր փոքրամասնութիւնները միաձուլելու ,թուրքեերուն մէջ: Հաւանաբար յաջորդ 1-2 սերունդներ ետք, այս փոքրամասնութիւններուն շատերը միաձուլուին եւ թրքանան: Նախագահ Էրտողան հրամանագրով մը Օսմաներէն լեզուի ուսուցումը պարտադիր դասընթացք ըրաւ Թուրքիոյ բոլոր դպրոցներուն մէջ:Երբ այժմու տարեց հայերու սերունդները յուղարկաւորուին, յաջորդ սերունդը պիտի յիշէ՞ թէ ինք ,հայկական ծագումե ունի: Նայեցէք Ամերիկա հաստատուած հայերու երրորդ սերունդի մարդոց, կամ Կլենտէյլի, Հոլիվուտի եւ շրջակայքի Ամերիկածին առաջին սերունդին: Քանի՞  հոգի հայերէն կը խօսի իր ընկերոջ հետ, նոյնիսկ ,հայկական վարժարանե յաճախող տղաքը…

18-րդ դարուն, Օսմանեան Կայսրութեան մէջ 5,000,000 թուրք կար, բովանդակ կայսրութեան մէջ, սակայն այդ հինգ միլիոն թուրքերը կը կառավարէին աւելի քան 50,000,000 ժողովուրդ, Եւրոպայի, Հիւսիւսային Ափրիկէի եւ Միջին Արեւելքի մէջ: Համաշխարհային Առաջին պատերազմէն առաջ Լիբանանի մէջ միայն եօթը թուրք պետական պաշտօնեայ կար… կառավարիչը եւ իր անմիջական օգնակնները:

 

ԹՈՒՐՔԻՈՅ ԶԻՆՈՒՈՐԱԿԱՆ ՈՒԺԸ

Զինուորական գետնի վրայ, Թուրքիան աշխարհի ամենահզօր տասը պետութիւններու խումբին մէջն է: Ռազմական փորձագէտները նկատի կ’ունենան աւելի քան 50 տարբեր ցուցանիշեր որոշելու համար երկրի մը ռազմական ուժը, բանակի մը ռազմունակութիւնը եւ ուժը: Նկատի կ’առնուին հրթիռներու որակն ու քանակը, աթոմական ուժը (քանի՞ հատ աթոմական ռումբի ,գլուխեներ ունի, աշխարհը քանի՞ անգամ կրնայ կործանել), տարբեր մասշտապի պատերազմական օդանաւերը (յարձակողական, ռմբակոծիչ, հալածիչ, պաշտպանութեան, մենամարտի), ծովուժի կարողականութիւնը (օդանաւակիրներ, ռազմանաւեր, ընդծովեաներ, եւալն), հրասայլերու տեսակները, որակն ու քանակը, բանակին թուաքանակը (բոլոր բաժանմունքներուն մէջ, պահեստայիններն ալ նկատի առնելով), պատերազմական պիւտճէն, երկրին բնական հարստութիւնները (երկաթի, նաւթի, հանքային եւ երկրագործական), երկրին կարողականութիւնը բանակը արագ տեղափոխելու դէպի սահմանները (ճամբաներ, փոխադրակառքեր), բանակին ռազմունակութիւնը-մարզուածութիւնը, եւալն:  Ըստ կարգ մը զինուորական մասնագէտներու, Թուրքիան աշխարհի հինգերորդ ամենահզօր պետութիւնն է, ըստ ուրիշներու՝ութներորդը: Այսպէս, առաջնութեան կարգով՝ (Ա) Ամերիկայի Միացեալ Նահանգները, (Բ) Ռուսիան, (Գ) Չինաստանը,(Դ) Հնդկաստանը, (Ե) Անգլիան, (Զ) Թուրքիան (ոմանք Թուրքիոյ կու տան 5րդ տեղը), (Է) Ֆրանսան, (Ը) Հարաւային Քորէան, (Թ) Ճափոնը, (Ժ) Գերմանիան:

Թրքական բանակը տրամադրելի ունի մօտ 42,000,000 մարդուժ: Զինուորութեան ծառայութեան յարմար 35,000,000 մարդ: Պատրաստի բանակը ունի 825,000 զինուոր: Պահեստի ուժերը կը բաղկանան 525,000 զինուորներէ որոնք կրնան 48 ժամուան ընթացքին պատրաստ ըլլալ եւ մեկնիլ ռազմաճակատ: Թուքիան թուաքանակով ՆԱԹՕ-ի երկրորդ ամենամեծ բանակը ունի: ՆԱԹՕ-ի ռազմափորձերու ժամանակ, թրքական բանակայինները, ցամաքի, օդի թէ ծովու վրայ, միշտ առաջնակարգ, լաւագոյն դիրքերու վրայ եղած են:

Թրքական ցամաքային ուժերը կը բաղկանան 4500 զանազան հզօրութեամբ արդիական թնդանօթներէ,  7133 կտոր APC /AFB հեռարձակ ռմբակոծիչներէ, 2200 հետեւակ հրետանիներէ (Artillary), եւ բազմահազար այլ տեսակի ծանր զէնքերէ:  Թուրքիոյ ցամաքային ծանր զէնքերու թուաքանակն է  շուրջ 70,000 կտոր: Չենք խօսիր հազարաւոր փոխադրակառքերու, զինուած կառքերու եւ այլ բազմաթիւ տեսակի զէնքերու մասին:

Թուրքիոյ օդուժը ունի 2000-է աւելի պատերազմական ամենաարդիական օդանաւերը (F-16 C/D, F.35A, Stealth, CN-235casa, C-160, C-130 Hercules, A400Atlas, Boing 737 AEWAC  եւայլն): Ունի աւելի քան 1000 ուղղաթիռներ (Black Hawk, Cougar Chinook, Super Cobra, T129 Attack, Air Defense): 2014-ի ընթացքին Թուրքիան իր օդուժի թուաքանակը աւելցուց ամենաարդիական – յարձակողական ուղղաթիռներով եւ պատերազմական օդանաւներով: Հակաօդային կարճ,  միջին եւ երկար (մինչեւ 5500 քմ.) պաշտպանութեան հրթիռներ: 2500 քմ. հեռաւորութեան վրայ հարուածող Cruise Missile, S-708 Sea Hawk եւ այլ տեսակի յարձակողական հրթիռներ:

Թուրքիոյ ծովուժը ունի մօտ 1200 զանազան մակարդակի արդիական մարտանաւեր, 30 ընդծովեայ եւ կողմնակի օգնական զանազան մասշտապի ռազմանաւեր: Ռազմանաւերն ու ընդծովեաները օժտուած են հականաւ եւ ցամաքային յարձակողական հրթիռներով, Cruise Missile-ներով որոնք կրնան մինչեւ 2500 քմ. հեռաւորութեան վրայ հարուածել: Անոնք օժտուած են նաեւ Match 7.8 Լազարային զէնքերով:  2020-ին, Թուրքիան պիտի օժտուի Թուրքիոյ մէջ շինուած օդանաւակիր ռազմանաւով: Յիշեցնեմ որ Չինաստանը տականին նոր 2014-ին ունեցաւ իր առաջին օդանաւակիր ռազմանաւը:

Բնականաբար Թուրքիան զինուած է միլիոնաւոր ամենաահաւոր ռումբերով: Հեռատեսիլի եւ ,ֆէյսպուքե վրայ դիտած եմ Թրքական բանակին ռազմափորձերը եւ սարսափած: Հազարաւոր ռումբեր եւ հրթիռներ կարկուտի պէս կը տեղային ,հակառակորդեին գլխուն: Թնդանօթներու շարասիւները բաւարար էին մեծ մասշտապով երկրաշարժ ստեղծելու: Գծագրութիւն- կենդանապատկերով կը բացատրէին “Anti-Personnel“ ահարկու ռումբերու գործածած աւերները:  Ռումբը օդանաւէն կը նետեն, ան ճամբու ընթացքին, օդին մէջ կը պայթի եւ կը վերածուի հարիւրաւոր փոքր ռումբերու որոնք գետին չհասած կը սկսին պայթիլ եւ 3-4 ֆութպոլի դաշտի տարածութեամբ ողջ մարդ չեն ձգէր:

Թուրքիան ,միայնՖՖ 70 աթոմական ռումբեր ունի: Իր սեփակա՞նն է այդ թէ ՆԱԹՕ-ին կը պատկանի, յստակ չէ:

Չմոռնանք որ որպէս ՆԱԹՕ-ի անդամ, Ամերիկան եւ ՆԱԹՕ-ի բոլոր երկիրները պարտաւոր են Թուրքիան պաշտպանել, եթէ օր մը…Հայաստանը յարձակի Թուրքիոյ վրայ:

Կը յիշէք անշուշտ որ 1993-ին, երբ Ռուսլան Խասպուլաթովը յաջողեցաւ ժամանակաւորապէս տապալել Ռուսիոյ նախագահ Ելցինը, Թրքական մօտ 300,000-նոց բանակ մը, մինչեւ ակռաները զինուած մօտեցաւ Հայաստանի սահմաններուն: Բազմաթիւ անգամներ թրքական լրտեսական օդանաւերը բռնաբարեցին Հայաստանի օդային սահմանները: Ռուսիոյ ,նախագահե Ռուսլան Խասպուլաթովը ըսաւ Թուրքիոյ որ ,Ռուսիան հարց չունի եթէ Թուրքիա արշաւէ Հայաստանի վրայ Ատրպէյճանի իր եղբայրները պաշտպանելուե:  Ամերիկան գիտէ՛ր որ Թուրքիան Հայաստանի վրայ պիտի յարձակի եւ… լուռ մնաց: ՆԱԹՕ-ի պետութիւնները գիտէին որ Թուրքիան Հայաստանի վրայ պիտի յարձակի, եւ լու՛ռ մնացին: Բարեբախտաբար, Ելցին զինուորական յեղաշրջմամբ վերատիրացաւ իր նախագահական աթոռին եւ Ռուսիոյ սպառնալիքին վրայ, թրքական զօրքերը երեք օրուայ մէջ նահանջեցին: Կրնա՞ք երեւակայել ի՞նչ պիտի ըլլար Հայաստանի եւ հայութեան վիճակը…

 

ԹՈՒՐՔԻՈՅ ԶԻՆՈՒՈՐԱԿԱՆ

ՃԱՐՏԱՐԱՐՈՒԵՍՏԸ

Թուրքիոյ տարածքին կան աւելի քան 500 զանազան մասշտապի զինուորական պիտոյքներ արտադրող գործարաններ:

Ֆիքրի Թիւրքէլ “Ենի Սաֆաք“-ի մէջ կ’ըսէ թէ Թուրքիոյ զինուորական արտադրութիւններու շուկան կ’արժէ 1.5 դռիլլիոն տոլար: 10 տարի ետք, այս գումարը պիտի հասնի 2.5 դռիլլիոն տոլարի:

Թրքական զին-գործարանները թանկեր, թնթանօթներ, ռազմանաւեր, յարձակողական ինքնաթիռներ, արբանեակներ, զանազան հզօրութեամբ հրացաններ, զինուոր փոխադրող զանազան չափերու զինուած եւ այլ կարգեր, եւ տակաւին բազում տեսակի զինուորական զէնքեր եւ պիտոյքներ կ’արտադրեն: Թուրքիա իր զինուորական արտադրութիւններուն 39 առ հարիւրը կ’արտածէ դէպի Միացեալ Նահանգներ, 10 առ հարիւրը՝ Սէուտական Արաբիա, Արաբական Միացեալ Էմիրութիւն, Իրաք, Իտալիա, Սպանիա, Ֆրանսա, Գերմանիա եւ այլ երկիրներ: Թուրքիոյ Պաշտպանութեան Նախարար Իսմէթ Եըլմազ կ’ըսէ.- ,Մինչեւ այսօր, 67 երկիրներու հետ զինուորական թէքնիք-գիտական համաձայնութիւններ ստորագրած ենք: 55 երկիրներու հետ ստորագրած ենք պաշտպանողական ճարտարարուեստի համագործակցութեան դաշինքներ: 52 երկիրներու հետ ունինք զինուորական մարզումներու համաձայնագիրներ»։

Թուրքիան շուտով պիտի սկսի ,Երկար Հեռաւորութեամբե (Long Range) պաշտպանողական հրթիռներ արտադրել: Արդէն իսկ Չինական ընկերութեան մը հետ (China Precision Machinary Import and Export Corp.) 2013-ին 3.4 միլիառ տոլարի համաձայնութիւն մը կնքած են: Այս հարցով Թուրքիան դիմած է նաեւ Միացեալ Նահանգներու, Ֆրանսայի, Գերմանիոյ եւ Ռուսիոյ օժանդակութեան:  “Մենք կ’ուզենք որ պաշտպանութեան այս միջոցը 10 – 15 տարի ետք աշխարհի ամենայառաջացեալ սիստեմը ըլլայե յայտարարած է Թուրքիոյ ,Զինուորական Ճարտարարուեստեի փոխ նախարար՝ Իսմայիլ Տէմիրը: Եւ որու՞ն դէմ Թուրքիան ինքզինք պիտի ,պաշտպանէ“ եթէ ոչ Ռուսիոյ եւ … Հայաստանի:

“Stockholm International Peace Research Institute“-ի համաձայն, 2013-ին Թուրքիոյ զինուորական պիւտճէն աշխարհի 14-րդն էր, 19.1 միլիառ տոլար:

Թուրքիան իր զինուորական հզօրութիւնը կը շահագործէ շրջանի եւ միջազգային բեմերու վրայ ազդեցութիւն բանեցնելու: Թուրքիոյ ներկայ ղեկավարութիւնը իր զինուորական եւ քաղաքական ուժը կը գործածէ աշխարհի Սիւննի Իսլամներուն ղեկավարը ըլլալու եւ իր ազդեցութիւնը բանեցնելու Միջին Արեւելքի, Պալքաններու եւ Կովկասեան երկիրներու եւ թուրքիկ պետութիւններու վրայ: Այլեւս գաղտնիք չէ որ Թուրքիոյ ներկայ ղեկավարութեան երազն ու ծրագիրն է Օսմանեան Կայսրութեան նախկին հպատակ երկիրներուն վրայ իր կամքը պարտադրել եւ զանոնք առնել իր անմիջական ազդեցութեան տակ:

Էրտողան երբ տակաւին Թուրքիոյ վարչապետն էր բայց ծրագրած էր նախագահութիւնը ստանձնել երկրին սահմանադրութիւնը փոխելէն ետք, սկսած էր “Նախագահական Պալատ“ի շինութեան: 600 միլիոն տոլար ծախսելէն եւ 1,100 սենեակնոց Պալատը շինելէն ետք, Հոկտեմբեր 29, 2014-ին պաշտօնական բացումը ըրաւ պալատին, ուր աշխարհի պետական աւագանիին կողքին հրաւիրուած եւ ներկայ էր նաեւ Հռոմի Ֆրանսիս Պապը (Նախագահական պալատը իր աւարտին պիտի արժէ մէկ միլիառ տոլար): Իսկ Յունուար 12, 2015-ին, երբ Պաղեստինի նախագահ Մահմուտ Ապպասի հետ, պալատի աստիճաններուն վրայ կը նկարուէր, աստիճաններուն վրայ 16 պատուոյ պահակները հագուած էին 16 թուրքիկ պետութիւններու պատմական – զինուորական – արքայական զրահանդերձները, սաղաւարտներով, սուրերով, վահաններով, նիզակներով…: Նախագահ Էրտողանի նախագահական զինանշանին վրայ կայ 16 աստղ, ներկայացնելով թրքական 16 կայսրութինները անցնող 2300 տարիներու վրայ երկարող, հասցնելով մինչեւ Օսմանեան Կայսրութիւն: Նախագահ Էրտողան եւ իր կուսակիցներն ու խոհակիցները կ’երազեն եւ կը ծրագրեն հիմնել ,Նոր Թուրքիաե, կամ թրքական նոր կայսրութիւն, միացնելով թրքական ծագում ունեցող բոլոր ցեղախումբերը: Յաջորդ տասնամեակին կրնան չհասնիլ այդ երազին, բայց ո՞վ կրնայ ապահովցնել որ յաջորդ հարիւրամեակին պիտի չյաջողին: Ինչու՞ է կը կարծէք այս նոր ,Պալատեը, իր 1,100 սենեակներով: Ուաշինկթընի Սպիտակ  Տունը միայն 132 սենեակ ունի…: Նախագահ Էրտողան 2002-ին իշխանութեան տիրանալէն ետք, միշտ կը փառաբանէ Թուրքիոյ անցեալը եւ կը փորձէ Թուրքիոյ նախկին փառքին վերադառնալ եւ Սուլթաններուն պէս ոչ միայն Օսմանեան Կայսրութեան վրայ իշխել, այլ ամբողջ իսլամ-մահմետականներուն վրայ: Թուրքիան այսօր 25 երկիրներու մէջ 50 մզկիթներ կառուցած է (ներառեալ Միացեալ Նահանգներ,  Ռուսիա, Ղազախստան, Ալպանիա, Ֆիլլիփին, Պաղեստին, Սոմալիա, եւայլն): Շուտով հատ մը պիտի շինէ Քուպայի եւ Ինտոնէզիայի մէջ: Բնականաբար այդ մզկիթներուն քով պիտի բուսնին ,մէտրէսէեները (դպրոցներ): Մահմետական երկիրներէն հազարաւոր աշակերտներ լման կրթաթոշակներով կ’ուսանին թրքական համալսարաններու մէջ: Թուրքիոյ Կրօնական Հարցերու Տնօրէնութեան կամ Վարչութեան բարձրաստիճան պաշտօնեաներէն Մազհար Պիլկին  կ’ըսէ. “Թուրքիան այսօր աշխարհի Իսլամներուն միակ յոյսն է“: Ինչու՞ Թուրքիան այսքան զօրաւոր կերպով կը պաշտպանէ, կը զինէ, դիւրութիւններ կու տայ իսլամ ծայրայեղականներուն: Չմոռնանք որ Հայաստանը Թուրքիոյ դէպի Ասիա, դէպի Ասիոյ թուրքիկ ցեղախումբերու միացման ճամբուն վրայ խոցուած գերանն է որը պէտք է չէզոքացուի, փճանայ, այրի:

Թուրքիան այսօր այնքան շփացած է որ կը համարձակի Ամերիկայի Միացեալ Նահանգներու առաջարկներուն իր հետ գործակցելու, “ոչ“ ըսել: Էրտողանը “նեղուած“ էր Օպամայէն եւ առ այդ՝ հետը չէր խօսեր… Կը յիշէ՞ք ինչպէս Նախագահ Էրտողանը իր մատը սպառնական շարժելով կը խօսէր Նախագահ Օպամայի հետ: Կը յիշէ՞ք Նախագահ Էրտողան ի՞նչ խիստ եւ հանդիմանական նայուածքներ կու տար Նախագահ Օպամային: Կրնա՞ք երեւակայել Թուրքիոյ ինքնավստահութիւնը, շփացածութիւնն ու պարծենկոտութիւնը:

Այս ամէնը շատ աղօտ պատկերն է Թուրքիոյ զինուորական – քաղաքական ուժին:

Ի՞նչ կրար ըլլալ Հայաստանի վիճակը եթէ Ռուսիան մեզի պաշտպան չկենար…եւ չկենայ: Լաւ կ’ըլլայ որ իմաստակ “փիլիսոփաները“  շրջահայեաց ըլլան եւ չափ դնեն իրենց հակառուս ցաբռտուքներուն:

Կոյր մարդ մը մութ քարայրին խորը նստած, իր խուլ եղբօր կը պոռայ ըսելով ,կը տեսնե՜մ, կը տեսնե՜մե…

 

ԾԱՆՕԹ

Ըստ ,All News PipeLine» պարբերաթերթի Մարտ 7, 2015 թիւին, 2015-ին աշխարհի տասը հզօրագոյն պետութիւներն են – 10- Գերմանիա, 9-Ճափոն,  8-Հարաւային Քորէա, 7-Ֆրանսա, 6-Թուրքիա, 5- Անգլիա, 4- Հնդկաստան, 3- Չինաստան, 2- Ռուսիա, 1- Ա.Մ.Նահանգներ: Ըստ նոյն պարբերաթերթին, Ա.Մ.Ն., Ռուսիան եւ Թուրքիան հետեւեալ պատկերը կը պարզեն զինուորական 10 մարզերու մէջ: Թէ որքանով ճիշտ են այս թիւերը, չեմ գիտէր: Վստահաբար գաղտնի զէնքեր շատ կան որոնցմէ հանրութիւնը լուր չունի եւ չի ալ կրնար ունենալ: Տարբեր հաստատութիւններ տարբեր թիւեր կու տան, ըստ իրենց տուեալներուն կամ հասկացողութեան:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

One thought on “ԳԱԼ ՏԱՐԻ՝ ՎԱՆ (Բ. ՄԱՍ) ՊԱՏԱՌԻԿՆԵՐ՝ ԵՐԱԶԱՅԻՆ ԱՐԵՒՄՏԱՀԱՅԱՍՏԱՆԷՆ ՃԱՆՉՆԱՆՔ ԹՈՒՐՔԻԱՆ

  1. “Trkeren khosoghin, miyan LAV Trkeren Badaskhane” This is our logo and answer to those who still bargain and don’t understand. Thank you for your article.

Leave a Reply

Your email address will not be published.

Social profiles