ԱՐՑԱԽ.- ՔԱՐՎԱՃԱՐԻ ԴՊՐՈՑԸ ՕԺՏՈՒԵՑԱՒ ԱՐԴԻ ՀԱՄԱԿԱՐԳԻՉՆԵՐՈՎ

Յատուկ հաղորդագրութեամբ մը, Համազգայինի Կեդրոնական Վարչութիւնը կը տեղեկացնէ թէ Արցախի Քարվաճառ շրջանի վերաբնակեցման աշխատանքներու ծիրէն ներս,  համակարգչային նոր սարքեր նուիրուած են տեղւոյն դպրոցին: Այսուհետեւ աշակերտները կարելիութիւնը պիտի ունենան օգտուելու համակարգիչներէն, որոնք տեղադրուած են դպրոցի համակագիչներու դասարանին մէջ: Նման ներդում պիտի կատարուի նաեւ Քաշաթաղի Բերձոր քաղաքին մէջ: