ԱՐՑԱԽԻ ԽՈՐՀՐԴԱՐԱՆԻ ԱՆԴԱՄ ԼԵՌՆԻԿ ՅՈՎՀԱՆՆԻՍԵԱՆ ԺԱՄԱՆԵՑ Ա.Մ.Ն. ԱՐԵՒԵԼԵԱՆ ՇՐՋԱՆ

0 0
Read Time:1 Minute, 12 Second

lernik ad

 

Ամերիկահայ Մշակութային Ընկերակցութեան «Արցախ Ֆոնտ»ի եւ «Հայրենիք»ի հրաւէրով, յառաջիկայ օրերուն, շրջանի հայաշատ գաղութներ պիտի այցելէ Արցախի Հանրապետութեան խորհրդարանի անդամ՝ Լեռնիկ Յովհաննիսեան (ընտրատարածք թիւ 10,Հ.Յ.Դ.-ի անդամ): Ան պիտի ներկայացնէ Արցախի վերաբնակեցման եւ ընդհանրապէս հիմնահարցի ներկայ իրավիճակը: Նշենք թէ, Արցախի յանձնախումբը յատուկ ծրագիր մը մշակած է Հատրութի շրջանի Առաջամուղ գիւղի շինարարութեան եւ վերաբնակեցման մասին:
Ծնած Յուլիս 24, 1973-ին Շուշիի Քարինտակ գիւղին մէջ, Լեռնիկ Յովհաննիսեան երկրորդական ուսումը շարունակած է Երեւանի «Խրիմեան Հայրիկ»ի անուան հայագիտական դպրոցէն ներս: Ապա, 1996-ին աւարտած է Երեւանի պետական համալսարանի պատմութեան բաժնի հիմնարկը: Յովհաննիսեան ծառայած է Արցախի պաշտպանութեան բանակի 52-րդ գումարտակէն ներս, եւ այս առթիւ իր մասնակցութիւնը բերած՝ շարք մը մարտական գործողութիւններու:
Ամուսնացած է եւ տէր է երեք զաւակներու: 1999-2013 թուականներուն, ան աշխատած է Արցախի պետական համալսարանի պատմութեան ամպիոնէն ներս, որպէս ազգագրութեան եւ հայոց պատմութեան աւագ դասախօս: Յունիս 17, 2013-ին, ան ստանձնած է Արցախի Մշակոյթի եւ Երիտասարդութեան հարցերու նախարարական տեղակալի պաշտօնը:
Արցախի հանրային պատկերասփիւռի կայանէն ներս, ան վարած է իր հեղինակած «Մեր Երկիր» հաղորդաշարը: Մայիս 3, 2015-ի խորհրդարանական ընտրութիւններուն, Լեռնիկ Յովհաննիսեան Արցախի Հանրապետութեան Ազգային Ժողովի պատգամաւոր ընտրուած է:
Աւելի քան տաս գիտական աշխատանքներու եւ ութ քարտէսներու հեղինակ, Լեռնիկ Յովհաննիսեան, Ազգային Ժողովի պաշտպանութեան, անվտանգութեան եւ օրինապահպանութեան հարցերու մշտական յանձնաժողովի նախագահի տեղակալն է:
Լեռնիկ Յովհաննիսեան պիտի այցելէ Նիւ Եորք, Նիւ Ճըրզի, Ֆիլատելֆիա, Պոսթըն, Ուաշինկթըն, Փրովիտենս, Տիթրոյթ եւ Շիքակօ: Նաեւ, ան պիտի մասնակցի Հ.Ե.Դ.-ի բանակումին եւ յաւելեալ տեղեկութիւններ պիտի փոխանցէ Արցախի ներկայ իրավիճակին մասին:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՀԱՅԿԵԱՆ ՆԵՏԻ ՅԱՒԵՐԺԱԿԱՆ ԸՆԹԱՑՔԸ
Next post «Պիտի Շարունակենք Օգնել Հայրենիքին», Կը Յայտնէ Հ.Օ.Մ.-ի Կեդրոնական Վարչութեան Ատենապետուհի՝ Քարոլին Շմաւոնեան

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles