Ամերիկայի Հայ Աւետարանչական Ընկերակցութեան Օժանդակութիւնը Հայաստանի Նորածին Մանուկներուն

0 0
Read Time:2 Minute, 15 Second

ev Expectant Teacher-Mothers

2013-ին Նիւ Ճըրզի Նահանգէն երկու տիկիններ, Պէթի Չէրքէզեան եւ Նէնսի Պըրտմըն գաղափարը յղացան «Սիրով Հիւսուած» ծրագրի մը, անհրաժեշտ գլխարկներ եւ ծածկոցներ հայթայթելու Հայաստանի նորածին մանուկներուն։ Ամերիկայի Հայ Աւետարանչական Ընկերակցութիւնը (ԱՀԱԸ) տեսնելով անհրաժեշտութիւնը այս ծառայութեան, որդեգրեց զայն որպէս մէկ մասը Հայրենիքին մատուցած իր տարբեր նպաստի ծրագիրներուն։
Ամէն տարի շուրջ 40,000 երեխաներ կը ծնին Հայաստանի մէջ, սակայն շատ քիչ ծննդատուներ գլխարկներ եւ ծածկոցներ կը հայթայթեն նորածիններուն, իսկ հեռաւոր քաղաքներու եւ գիւղերու մէջ բնաւ չհայթայթուիր։
Անդրադառնալով այս մեծ կարիքին, «Սիրով Հիւսուած» ծրագիրը կը ձգտի որքան որ կարելի է, գլխարկներ եւ ծածկոցներ ապահովել բոլոր նորածիններուն՝ Հայաստանի ամբողջ տարածքին։ Անցնող տարին այս ծրագիրը ներկայացուեցաւՄիացեալ Նահանգներու տարբեր համայնքներուն, եւ մինչեւ օրս արդեն շատ մը տիկիններ մեծ սիրով կը մասնակցին անոր, հիւսելով գեղեցիկ գլխարկներ եւ ծածկոցներ։
Հիւսուած ծածկոցներուն չափը պէտք է ըլլայ նուազագոյն 30″ x 30″ (inch) իսկ գլխարկներուն չափը 9″-էն 14″ (inch) տրամագիծով։ Անհրաժեշտութեան պարագային ԱՀԱԸ-ի կայքէջին վրայ կարելի է գտնել գլխարկներու եւ ծածկոցներու հիմնական օրինակներ։ Կը խնդրուի որ միայն ակրիլային (acrylic) մանուած բուրդ օգտագործուի։
Անհատներու, տարբեր կազմակերպութիւններու եւ եկեղեցական խումբերու աջակցութիւնը այս ծրագրին, իսկապէս քաջալերական է եւ օգտակար Հայրենիքի մեր նորածիններուն։ North Carolina-էն տիկին մը, որ վերջերս սկսաւ մասնակցիլ այս ծրագրին, կը գրէ.- «Իմ մեծ մայրս իր ընտանիքին մէջ միակ վերապրողը եղած է Ցեղասպանութեան։ Ես իրմէ եւ իմ մօրմէս սորված եւ տիրապետած եմ ձեռագործի տաղանդիս։ Երախտապարտ եմ Աստուծոյ ինծի տրուած այս շնորհքին համար եւ կ՚ուզեմ այս տաղանդս գործածել օգնելու ուրիշներուն։ Շնորհակալ եմ որ ձեր ծրագրին միջոցաւ կրնամ իրականացնել Հայաստանի մանուկներուն օգնելու իմ երազանքս»։ev Nancy Burdman and Betty Cherkezian
Նոր Տարուան եւ Սուրբ Ծնունդի եղանակին, Երեւանի Մալաթիա-Սեբաստիա Վարչական Շրջանի տնօրէնութեան համագործակցութեամբ, յատուկ հաւաքոյթ մը կազմակերպուեցաւ ԱՀԱԸ-ի Խորէն եւ Շուշանիկ Աւետիսեան Դպրոցին եւ Համայնքային Կեդրոնին մէջ, շրջանի երեխայ սպասող մանկավարժուհիներու համար։ Դպրոցի Դահլիճին մէջ ներկաները սիրով ողջունուեցան տնօրէնուհի, Մելանիա Գեղամյանի, ԱՀԱԸ-ը Հայաստանի Ներկայացուցիչ Յարութ Ներսէսեանի, ինչպէս նաեւ Մալաթիա-Սեբաստիա Վարչական Շրջանի տնօրէնութեան կողմէ։ Հաւաքոյթի ընթացքին ներկաներուն ցուցադրուեցաւ յատուկ ֆիլմ մը մայրութեան մասին։ Զուարճալի հաւաքոյթի աւարտին երեխայ ակնկալող մանկավարժուհիներուն նուիրուեցան նորածիններու համար սիրով հիւսուած գլխարկներ, ծածկոցներ եւ այլ հագուստեղէն, ինչպէս նաեւ 2015-ի օրացոյցներ, բացիկներ եւ ԱՀԱԸ-ի 95 տարիներու պատմութիւնը ներկայացնող գրքոյկներ։ Մալաթիա-Սեբաստիա շրջանի տեղական օրաթերթերը անդրադարձան այս յատուկ միջոցառումին մասին։
«Սիրով Հիւսուած» Ծրագրի տիկիններուն բաղձանքն է, որ ժամանակ մը գայ, երբ Հայաստանի ամէն նորածին մանուկ ծննդատուներէ տուն վերադառնայ խանձարուրուած ծածկոցով եւ գլխարկով՝ սիրով հիւսուած եւ նուիրուած ձեզ նման հոգատար անձերու կողմէ։
Յաւելեալ տեղեկութիւններու կամ այս ծրագրին մասնակցելու համար կրնաք կապ հաստատել ԱՀԱԸ-ի կեդրոնին հետ՝ հեռ. 201.265.2607, կամ այցելել Ընկերացութեան կայքէջը – www.amaa.org եւ սեղմել Stitched with Love tab-ը։ Այս ծրագրին կրնաք մասնակցիլ նաեւ մանուածքի եւ փոխադրութեան ծախսերուն համար ձեր նիւթական նուէրները ղրկելով ԱՀԱԸ-ը Կեդրոնը՝ 31 West Century Road, Paramus, NJ 07652։ Ձեր նուիրատուութիւնը credit card-ով ընելու համար, կրնաք այցելել Ընկերակցութեան կայքէջը – www.amaa.org։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles