ԱՄԱԼ ՔԼՈՒՆԻ ԵՒՐՈՊԱՅԻ ՄԱՐԴԿԱՆՑ ԻՐԱՒՈՒՔՆԵՐՈՒ ԴԱՏԱՐԱՆԷՆ ՆԵՐՍ ՊԻՏԻ ՆԵՐԿԱՅԱՑՆԷ ՀԱՅԱՍՏԱՆԸ

0 0
Read Time:1 Minute, 6 Second

p1 clooney3

Միջազգային կարգի իրաւապաշտպան Ամալ Ալամըտտին-Քլունի, որ ամերիկացի հանրայայտ դերասան Ճորճ Քլունիի կողակիցն է, յառաջիկայ Յունուարին, Եւրոպայի մարդկանց իրաւունքներու դատարանէն ներս, պիտի ներկայացնէ Հայաստանը:
Այսպէս, Յունուարի 28-ին, Ամալ պիտի մասնակցի թուրք քաղաքական գործիչ Տողու Փէրինչէքի հարցի գծով դատավարութեան: Փէրինչէք, Զուիցերիոյ մէջ հերքած էր Հայոց Ցեղասպանութեան փաստը, իսկ Եւրոպական դատարանը, իր վճիռին մէջ յայտնած էր թէ 1915ին եւ յաջորդող տարիներուն՝ Հայաստանի մէջ գործուած բարբարոսութիւնները Ցեղասպանութիւն որակելու ժխտումը պատժելու անհրաժեշտութիւնը չէ ապացուցուած:
Ամալ Քլունի բարձրակարգ իրաւապաշտպան է, ան մասնագիտացած է միջազգային իրաւունքի, մարդու իրաւունքներու պաշտպանութեան ոլորտներէն ներս: Ամալի մասնագիտական փորձառութիւնը նկատի ունենալով, տեղին է նշել թէ, մեծ դեր պիտի խաղայ Սթրազպուրկի մէջ, Հայաստանի փաստաբանական խումբին կողքին:
Զուիցերիոյ դէմ վճիռ կայացուցած դատաւորները թոյլ տուած են բազմաթիւ մասնագիտական սխալներ` անտեսելով Զուիցերիոյ իրաւական համակարգը: Զուիցերիոյ իշխանութիւնները Մարտ 17, 2017-ին որոշած են դիմել Եւրոպայի մարդկանց իրաւունքներու դատարանին, սեփական երկրի իրաւական համակարգի իրաւացիութիւնը պաշտպանելու համար:
Եւրոպայի մարդկանց իրաւունքներու դատարանէն ներս, ընթացած Փէրինչէքի դատավարութեան, Հայաստան չմասնակցեցաւ, մինչդեռ Թուրքիան միջամտեց գործին` ներկայացնելով Ցեղասպանութեան փաստը կասկածի տակ առնող ծաւալուն նիւթեր:
Եւրոպական ատեանը իր որոշումը առած է գլխաւորապէս հիմնուելով արտայայտութեան ազատութեան սկզբունքին վրայ: Իր վճիռին մէջ այս մասին ատեանը կը յիշեցնէ, որ զգայուն եւ դժգոհութիւն պատճառելու հակամէտ հարցերու շուրջ բացէ ի բաց ու ազատօրէն վիճարկելու իրաւունքը արտայայտութեան ազատութեան հիմնական բաղադրիչներէն է, եւ թէ ան կը զանազանէ ժողովրդավար, հանդուրժող եւ բազմակարծիք ընկերութիւն մը՝ ամբողջատիրական եւ բռնատիրական վարչակարգէ մը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

One thought on “ԱՄԱԼ ՔԼՈՒՆԻ ԵՒՐՈՊԱՅԻ ՄԱՐԴԿԱՆՑ ԻՐԱՒՈՒՔՆԵՐՈՒ ԴԱՏԱՐԱՆԷՆ ՆԵՐՍ ՊԻՏԻ ՆԵՐԿԱՅԱՑՆԷ ՀԱՅԱՍՏԱՆԸ

Leave a Reply

Your email address will not be published.

Social profiles