Գլխաւոր
Ալիեւ – Տաւութօղլու Կը Քննեն Արցախի Հիմնահարցը
ՊԱՔՈՒ.- Ատրպէյճանի նախագահ Իլհամ Ալիեւ Թուրքիա կատարած իր պետական այցելութեան ընթացքին, Յունուար 15ին հանդիպում մը ունեցած է երկրի վարչապետ Ահմետ Տաւութօղլուի հետ։
Հանդիպման ընթացքին քննարկուած են երկկողմանի յարաբերութիւններուն առնչուող շարք մը հարցեր։ Նախագահն ու վարչապետը ընդգծած են Արցախի հակամարտութեան լուծման հարցի կարեւորութիւնը։
Կողմերը նշած են, որ ատրպէյճանաթրքական կապերը դրական կերպով կ՛ազդեն տարածաշրջանային համագործակցութեան վրայ եւ կրնան նպաստել Արցախի հակամարտութեան լուծման՝ «պահպանելով Ատրպէյճանի հողային ամբողջականութիւնը»։
