0
0
Նիւ Եորքէն յատուկ լրագրութեամբ մը, »Թիւֆէնքեան« հաստատութիւնը կը տեղեկացնէ թէ Քաշաթաղի (նախապէս Լաջին) մէջ յատուկ աշխատանքներ կը կատարէ շրջանի պատմական յուշարձաններու եւ մշակութային արուեստագործութիւններու պահպանման եւ վերանորոգման բնագաւառէն ներս:
»Շատերու համար ծանօթ է, որ Քաշաթաղ կենսական եւ ռազմավարական կապ մըն է Արցախի եւ Հայաստանի միջեւ«, նշեց հաստատութեան տնօրէն Անդրանիկ Գասպարեան: »Համեմատաբար, նուազ ծանօթ ենք շրջակայքի հայկական պատմագրական արմատներու գոյութեան արմատներ, որոնք արմատախիլ եղան 19181920ի ջարդերու եւ տարագրութիւններու ժամանակ: Հիմա որ շրջանը ազատագրուած է, կը հաւատանք որ պէտք է մերժենք Ատրպէյճանի հողերու հարցական պահանջքը, բան մը որ պէտք չէ միջազգային համայնքի զօրավիգին արժանանայ«, կը յայտնէ Գասպարեան:
Արդարեւ, հաստատութիւնը սկսած է վերանորոգել պատմական Սուրբ Մինաս եկեղեցին (16րդ դար), Հաք գիւղին մէջ, որ կը կարծուի թէ կառուցուած է 11րդ դարաշրջանին: Հայ բնակչութեան գաղթ ու ջարդէն ետք, ազերի զօրքերու յառաջխաղացքին արդիւնք, այս կառոյցը թալանուած էր: Եկեղեցւոյ վերանորոգման կողքին, հաստատութիւնը նաեւ պիտի կառուցէ ջրաբաշխման նոր սարքաւորումներ գիւղին համար, ուր այժմ կը բնակին յիսուն բնակիչներ:
Այս գործը նպաստաւորուած է շնորհիւ Նիւ Եորք քաղաքի Վըրճինիա Տէյվիսի առատաձեռն օժանդակութեան: Օգնութեան այլ առաջարկներ կատարուած են, որոնք լոյս պիտի ընծայուին յառաջիկայ շաբաթներու ընթացքին: Յաւելեալ տեղեկութիւններ ստանալու համար Թիւֆէնքեան հաստատութեան Քաշաթաղ նախաձեռնութեան մասին, այցելել. RBarry@Tufenkian.com.
