Հ.Օ.Մ.-Ի ԱՐԵՒԵԼԵԱՆ ՇՐՋԱՆԻ ՄԻՋ-ՄԱՍՆԱՃԻՒՂԱՅԻՆ ԴԱՍՏԻԱՐԱԿՉԱԿԱՆ ԴԱՍԸՆԹԱՑՔ

Նոյեմբեր 1, 2014ին, Հ.Օ.Մ.-ի Արեւելեան Շրջանի վարչութիւնը կազմակերպեց միջ-մասնաճիւղային դաստիարակչական դասընթացք, որ տեղի ունեցաւ Նիւ Ճըրզիի (Նիւ Միլֆըրտ) Յովնանեան վարժարանէն ներ։ Ձեռնարկը միասնաբար հիւրընկալուեցաւ Հ.Օ.Մ.-ի Նիւ Ճըրզիի չորս մասնաճիւղերուն ( Ակնունի, Պըրկըն քաունթի, Շաքէ եւ Սպիտակ) կողմէ: Ձեռնարկին բացումը տեղի ունեցաւ Հ.Օ.Մ.-ի քայլերգով, որ մեներգեց Ընկհ. Սիլվա Գույումճեան: Անոր ձայնակցեցան բոլոր ընկերուհիները։ Հ.Օ.Մ.-ի Արեւելեան Շրջանի Վարչութեան Ատենապետուհի Թալին Տաղլեան բարի գալուստ մաղթեց ներկաներուն, ապա ան ներկայացուց Հ.Օ.Մ.-ի կեդրոնական Վարչութեան գանձապահ Ընկհ. Գարոլին Շմաւոնեան եւ հիւր դասախօսը՝ Խաչիկ Մուրատեան ու ողջունեց տասներեք մասնաճիւղերու ներկայացուցիչները, որոնք ժամանած էին եօթը նահանգներէ, մասնակցելու այս շրջանային դասընթացքին։ Տաղլեան իր խօսքին մէջ շեշտը դրաւ Հ.Օ.Մ.-ի առաքելութեան, ծրագիրներուն, նպատակներուն եւ այն բոլոր դժուարութիւններուն վրայ, որոնց դէմ յանդիման կը գտնուին գաղութները՝ սահմանափակ նիւթական կարողութիւններ, սակաւաթիւ մարդուժ՝ դիմագրաւելու համար համայնքներու անսահման կարիքները։ Ան բոլորը քաջալերեց, որ իրենց գործօն մասնակցութիւնը բերեն, իրագործելու համար Հ.Օ.Մ.-ի մարդասիրական ծրագիրները։ Ան շնորհակալութիւն յայտնեց Հ.Օ.Մ.-ի Նիւ Ճըրզիի մասնաճիւղերուն իրենց հիւրընկալութեան եւ կազմակերպութեան համար, յատկապէս շնորհակալ ըլլալով Յովնանեան Վարժարանի Ուսումնական Խորհուրդին եւ անոր վարիչ Հիլտա Պարոնեանին, որոնք կարճ ժամանակուայ մէջ սիրայօժար դպրոցին սրահը տրամադրեցին սոյն հաւաքին համար։ Օրուան բանախօսութիւնը հետաքրքրական ու օգտաշատ կերպով ներկայացուց Խաչիկ Մուրատեան։ Ան ներկաները մտքով փոխադրեց դէպի անցեալ եւ ընդարձակ կերպով ծանօթացուց Հայկական Կարմիր Խաչի աշխատանքներուն, (որ ծանօթ էր նաեւ Հ.Յ.Դ. Կարմիր Խաչ անունով) մինչեւ որ, ան ստացաւ իր այսօրուայ անունը՝ Հայ Օգնութեան Միութիւն։ Իր զեկոյցին մէջ Մուրատեան ներկայացուց հայկական կնոջական կազմակերպութիւններու աշխատանքները, որոնք կը գործէին Օսմանեան Կայսրութեան հայահոծ քաղաքներու մէջ, ինչպէս Կոստանդնուպոլիս, Իզմիր, Տրապիզոն, Թիֆլիս (Վրաստան) նաեւ Պարսկաստանի մէջ։ Այդ աշխատանքներէն ոմանց մասին այսօր տեղեակ ենք շնորհիւ պահուած մանրամասն ատենագրութիններու, թղթակցութիւններու եւ տեղեկագիրներու։ 1910ին, հայ ազգային գործիչ Ակնունի երկու ամիսով կ՚այցելէ Միացեալ Նահանգներ, ուր կը հիմնէ Հայկական Կարմիր Խաչը կամ Հ.Օ.Մ.-ը։ Իր անդրանիկ համագումարին, որ տեղի կ՚ունենայ Մայիս 30-31, 1915ին,Հ.Օ.Մ.-ը կոչ կ՚ուղղէ նախագահ Ուիլսընին։ Մեծ Եղեռնի տարիներուն Հ.Օ.Մ.-ը, գործակցութեամբ Մերձաւոր Արեւելքի Օգնութեան, մեծ աշխատանք տարած է աղիտեալ հայ ժողովուրդի փրկութեան համար։ 1926ին Պոսթընի մէջ կայացած ընդհանուր ժողովին, Հ.Օ.Մ.-ը որդեգրած է «մէկ որբ, մէկ ոսկի» կարգախօսը, ազատագրելու համար թուրքերու եւ քիւրտերու մօտ պահուած հայ որբերը։ Համաշխարհային Առաջին Պատերազմէն ետք, արդի Թրքական պետութեան կազմութեան նախօրեակին, 1918-1921ի տարիներուն, Հ.Օ.Մ.-ը, ինչպէս նաեւ տարբեր հայկական կազմակերպութիւններ, աշխուժօրէն կը գործէին Օսմանեան Կայսրութեան տարածքին դաշնակից ուժերու տիրապետած շրջաններուն մէջ։ Այս ժամանակաշրջանին, երբ հայ վերապրած գաղթականներ հաստատուեցան Միջին Արեւելք, Եւրոպա եւ Ամերկեան ցամաքամասեր, Հ.Օ.Մ.-ը ընդարձակեց իր աշխատանքները այս շրջաններուն մէջ, հասնելով մինչեւ Շանկհայ, ուր ունէր երկու շէնքեր։ Հետաքրքրականօրէն, Ամերիկացի միսիոնար մը Վանէն կ՚երթայ Չինաստան, ուր կ՚օգնէ Շանկհայ հաստատուած հայ գաղթականներուն։ Մուրատեան կը շարունակէ իր ուսումնասիրութիւնները այս նիւթին վերաբերեալ եւ մօտ օրէն պիտի ճամբորդէ Չինաստան, մօտէն հետազօտելու այս հետաքրքական նիւթը։ Կէսօրուայ դադարին ընկերուհիները վայելեցին համեղ ու առատ հայկական ճաշ, որուն ընթացքին առիթը ունեցան իրար հետ զրուցելու։ Ապա Ընկհ. Սեւան Քօլէճեան ներկայացուց դասախօսութիւն մը, Հ.Օ.Մ.-ի ներկայ գործունէութեան մասին աշխարհի տարածքին եւ յատկապէս Հայաստանի, Արցախի, Ջաւախքի եւ Հալէպի (Սուրիա) մէջ։ Ան ներկաներուն պատմեց այն մարտահրաւէրները եւ դժուարութիւնները, որոնք Հ.Օ.Մ.-ը դիմագրաւած ու յաղթահարած է։ Ան շեշտը դրաւ յատկապէս Հալէպի այսօրուայ ողբալի վիճակին վրայ, որը կը կարօտի բոլորին աջակցութեան։ Ան նաեւ հարցախոյզ մը ներկայացուց, որուն բոլորը մասնակցեցան եւ ներկայացուցին իրենց առաջարկները Հ.Օ.Մ.-ի յառաջդիմութեան նպաստելու։ Դասընթացքին վերջին ժամը յատկացուած էր հարցում պատասխանի եւ զրոյցի։ Բոլորը բաժնուեցան բարձր տրամադրութեամբ եւ լաւատեսութեամբ։ Շնորհակալութիւն Հ.Օ.Մ.-ի Արեւելեան Շրջանային Վարչութեան եւ շնորհակալութիւն չորս հիւրընկալ մասնաճիւղերուն։

Հ.Օ.Մ.-Ի ԱՐԵՒԵԼԵԱՆ ՇՐՋԱՆԻ ՄԻՋ-ՄԱՍՆԱՃԻՒՂԱՅԻՆ ԴԱՍՏԻԱՐԱԿՉԱԿԱՆ ԴԱՍԸՆԹԱՑՔ

This story is FREE for you...

Leave a Reply

ԽՈՐԷՆ ԱՐՔ. ՏՈՂՐԱՄԱՃԵԱՆ՝ ՆԻՒ ՊՐԻԹԸՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ ՆՈՐ ՀՈՎԻՒ

Աղքատ… Մեծահարուստը, Կամ Վիթխարի ՄԵԾը՝ «Փեփէ» Մուխիքա

Ցեղասպանութեան Ընկերներ. Գերմանիան Ողջակիզումէն Ոչի՞նչ Սորված է

This story is FREE for you...

Leave a Reply

Նմանատիպ Յօդուածներ

Փաշինեանի Յայտարարութիւնները՝ Նիւ Եորքի Մէջ

Պաշտօնական Բացում՝ Հ․Յ․Դ․ Հայ Դատի Յանձնախումբերու Եւ Գրասենեակներու Համահայկական Խորհրդաժողովի

ԽՈՐԷՆ ԱՐՔ. ՏՈՂՐԱՄԱՃԵԱՆ՝ ՆԻՒ ՊՐԻԹԸՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ ՆՈՐ ՀՈՎԻՒ

Աղքատ… Մեծահարուստը, Կամ Վիթխարի ՄԵԾը՝ «Փեփէ» Մուխիքա

Ցեղասպանութեան Ընկերներ. Գերմանիան Ողջակիզումէն Ոչի՞նչ Սորված է