0
0
Շաբաթ, Հոկտեմբեր 20-ին, Ուաթըրթաունի “Բաբգէն Սիւնի“ ակումբին մէջ տեղի ունեցաւ դրամահաւաք-ընթրիք, նուիրուած Սուրիահայութեան:
Ձեռնարկը կազմակերպած էին շրջանի Հայ Օգնութեան Միութեան երկու մասնաճիւղերը` “Լէօլա Սասունի“ եւ “Շուշի“:
Այս առթիւ, խօսք առին Սուրբ Ստեփանոս Եկեղեցւոյ հոգեւոր Հովիւ Տէր Անդրանիկ Աւ. քհնյ. Պալճեան եւ Նորթ Անտովըրի Սուրբ Գրիգոր Լուսաւորիչ եկեղեցւոյ հովիւ` Տ. Գարեգին Պետուրեան: Օժանդակութեան յանձնախումբի անունով խօսք առաւ Խաժակ Մկրտիչեան, որ յաւելեալ տեղեկութիւններ փոխանցեց տիրող կացութեան եւ կատարուող օժանդակութիւններու մասին:
Նշենք թէ ակումբի ճաշարանի պատասխանատու Գէորգ Պոյաճեան սիրայօժար տրամադրած էր օրուան ընթրիքը:
Այս առթիւ հաւաքուեցաւ հինգ հազար տոլար:
