Երկուշաբթի, Դեկտեմբեր 18-ին, Երեւանի Հ․Յ․Դ․ «Արամ Մանուկեան» Երիտասարդական կեդրոնին մէջ, արցախեան մթնոլորտով տեղի ունեցաւ Հ․Յ․Դ․ Արցախի պատանեկան միութեան առաջին ընկերային ձեռնարկը, որուն մասնակցեցան Արցախի տարբեր շրջաններէ առաւել քան 50 պատանիներ:Յայտագիրին ընթացքին, պատանիները կարելիութիւն ունեցան իրարու ծանօթանալու, խաղալու, երգելու եւ ճաշակելու արցախեան ուտելիքներ: Ծրագիրին կը մասնակցէին նաեւ Հ․Յ․Դ․ Հայաստանի Պատանեկան միութեան խումբ մը անդամներ:
Հաւաքի աւարտին, Հ․Յ․Դ․ Արեւելեան Ամերիկայի Հայ Երիտասարդաց դաշնակցութեան կողմէ պատանիները նուէր ստացան դպրոցական պայուսակներ եւ գրենական պիտոյքներ:
Ստեղծուած նոր պայմաններուն մէջ, Հ․Յ․Դ․ Արցախի Պատանեկան միութիւնը կ՛առաջարկէ դառնալ նոր հարթակ՝ արցախցի պատանիները միաւորելու եւ անոնց համար հարազատ ու անմիջական մթնոլորտ ստեղծելով՝ զանոնք տիրող իրավիճակէն որոշ չափով անջատելու:
