0
0
ԵՐԵՒԱՆ․- Հայաստանի Հանրապետութեան Ազգային ժողովին մէջ լրագրողներու հետ զրոյցի ընթացքին Հայաստանի Հանրապետութեան արտաքին գործոց փոխնախարար Մնացական Սաֆարեան անդրադառնալով Հայաստանի Հանրապետութեան ՀԱՊԿ-էն դուրս գալու հարցին յայտնեց․ «ՀԱՊԿ-էն դուրս գալու քննարկումներու ճշգրիտ ժամկէտը չեմ կրնար նշել, ըստ երեւոյթին ատիկա Անվտանգութեան խորհուրդին մէջ քննարկուած է, կը կարծեմ` սեպտեմբերեան իրադարձութիւններու ժամանակ: Որոշում տրուած է այդ քայլը չընել ու շարունակել աշխատանքները, որովհետեւ կան հարցեր, որոնք հետագային քննարկուեցան ՀԱՊԿ-ի վեհաժողովի ընթացքին: Շուտով յայտարարութիւն պիտի ըլլայ Հարաւային Կովկասի մէջ կացութեան առնչուած: Այս պահուն ՀԱՊԿ-էն դուրս գալու հարցը օրակարգի վրայ չէ: Կացութիւնը բարդ է. մենք, ըլլալով ՀԱՊԿ-ի անդամ երկիր եւ ունենալով պարտաւորութիւններ, կը շարունակենք յոյս ունենալ, որ մեր աշխատանքները պիտի բերեն որոշակի արդիւնքներու, տակաւին կայ այդ յոյսը: Մենք բազմիցս յայտարարած ենք, որ ՀԱՊԿ-ի կողմէ պէտք է կացութեան քաղաքական գնահատական տրուի, որոշ պահու այդ քննարկումները կրնան դարձեալ վերսկսիլ»:
Ան հաւաստիացուց, որ Հայաստանը Ռուսիայէն չէ ստացած անհրաժեշտ սպառազինութիւնը,որուն համար համար վճարած է միլիոնաւոր տոլարներ:
Անդրադառնալով Պրիւքսէլի մէջ Փաշինեան-Ալիեւ-Միշել եռակողմ հանդիպումին` Սաֆարեան ըսաւ. «Ատրպէյճանի տարածքային ամբողջականութիւնը միշտ ալ ճանչցուած է, այստեղ նոր բան դժուար թէ ըլլայ այդ առումով։ Բանակցութիւնները կ՛ընթանան Լեռնային Ղարաբաղի իրաւունքներու եւ անվտանգութեան միջազգային մեքանիզմներու ապահովման շուրջ»:
