ՈՉ ԵՒՍ Է ՏՈՔԹ. ՅԱԿՈԲ ՃԱՆԷՑԵԱՆ

0 0
Read Time:1 Minute, 32 Second

p15 janissian
ՍԳԱԿԻՐ

Պոսթընի գաղութը կորսնցուց վաստակաշատ անձ մը, յանձին տոքթ. Յակոբ Ճանէցեանի: Ան ծնած է Թէլ Ապիատ 1942-ի Դեկտեմբերի 22ին: Սարգիս եւ Մաքրուհի Ճանէցեաններու անդրանիկ զաւակը, ունի 2 եղբայր` Գէորգ եւ Յովհաննէս, ինչպէս նաեւ 2 քոյր Արփինէ եւ Լուսին.ունեցած է եղբայր մը ` Գրիգոր Զօհրապ,որ դժբախտաբար երիտասարդ տարիքին մահացած է:
Յակոբը յաճախած է Թէլ Ապիատի տեղւոյն Խորէնեան Վարժարանը, ապա ընտանեօք փոխադրուած են Հալէպ երբ ինք ութ տարեկան էր: Հալէպի մեջ Նախակրթարանի ուսումը ստացած է Զաւարեան Վարժարանին մէջ, զորս աւարտելէ ետք յաճախած է Քարէն Եփփէ Ազգային Ճեմարան:
Իր բժշկական ուսումը ստացած է Գերմանիոյ Հայտըլպըրկ Համալսարանէն մասնագիտանալով սրտաբանութեան ճիւղին մէջ,ապա Գերմանիա զանազան հիւանդանոցներու մէջ աշխատած է մինչեւ 1976: Վերադարձած է Հալէպ, ուր բացած է իր անձնական բժշկական գրասենեակը, ինչպէս նաեւ իր ծառայութիւնը բերած է պետական եւ անձնական հիւանդանոցներէ ներս:
Իրեն համար կենսական էր հայ ընտանիք կազմելը,ուստի 1979ի Ապրիլի 22ին ամուսնացաւ Սեդա Տօնիկեանին հետ: Բախտաւորուեցան երկու աննման զաւակներով` Սարգիս եւ Մարիա:
1998-ի Դեկտեմբերին ընտանեօք փոխադրուեցան Ամերիկա,զաւակներուն փայլուն ապագայ կերտելու հեռանկարով:
Իր կեանքի երջանիկ օրերէն մէկը կը նկատէր իր աղջկան ամուսնութիւնը Լեւոն Շահնազարեանին հետ: Թոռնիկով` Վահանով բախտաւորուիլը մեծ հաճոյք պատճառեց իրեն նկատելով զայն Աստուծմէ պարգեւ մը:
Յակոբը փոքր տարիքէն եղած է Հ. Մ. Ը. Մ.ի անդամ, ըլլալով գայլիկներու աքելլա, սկաուտ պատասխանատու, եւ մաս կազմելով մարզական խումբերուն, ինչպէս Հ.Մ.Ը.Մ.-ի ոտնագնդաակի Պատւոյ առաջինը:
Երիտասարդ տարիքին անդամակցած է Հայ Յեղափոխական Դաշնակցութեան,որուն հաւատարիմ մնաց մինչեւ մահ:
Հալէպի մէջ նուիրումով իր ծառայութիւնը բերած է Ազգային Առաջնորդարանէն ներս վերցնելով զանազան պատասխանատու պաշտօններ, ըլլալով Գաւառական ժողովի անդամ, ապա Քաղաքական ժողովի ատենապետ եւ Ազգային Քարէն Եփփէ Ճեմարանի խնամակալ:
Կամաւոր կերպով շաբաթը մէկ օր` Ուրբաթ օրերը կը ժամանէր Ճեմարան, աշակերտներու բժշկական քննութիւններ կատարելու եւ օգտակար ըլլալու իրենց:
Տեղին է յիշել եւ արդար իրաւունք որ Հալէպի Արամ Մանուկեան շէնքի կառուցման որոշումը կը պարտի իր վճռակամ եւ հաստատակամ որոշումին ու կեցուածքին:
Հողը թեթեւ գայ վրադ. Աստուած երկնային Արքայութեան արժանացնէ քեզ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles