ՖՐԱՆՍԱՀԱՅ ԸՆԿԵՐԱԿՑՈՒԹԻՒՆՆԵՐԸ ՀԱՄԱԿԱՐԳՈՂ ԽՈՐՀՈՒՐԴԻ ՀԱՒԱՔԸ՝ ՆԱԽԱԳԱՀ ՀՈԼԱՆՏԻ ՄԱՍՆԱԿՑՈՒԹԵԱՄԲ

0 0
Read Time:2 Minute, 45 Second

p13 aznavour  Յունուար 28-ին, Փարիզի “Hotel du Collectionneur”ի շքեղ սրահներուն մէջ տեղի ունեցաւ Ֆրանսահայ Ընկերակցութիւնները Համակարգող Խորհուրդի (CCAF)¬ի տարեկան ճաշը: Ներկայ գտնուեցան շուրջ 450 հոգի, որոնց կարգին՝ պետական բազմաթիւ անձնաւորութիւններու կողքին հայկական կազմակերպութիւններու եւ միութեանց ներկայացուցիչներ, պատասխանատուներ Ֆրանսայի բոլոր շրջաններէն (Փարիզ, Լիոն, Մարսէյ եւ այլուր)։ Այս երկրորդ հաւաքին (առաջինը կայացաւ անցեալ տարի) գլխաւոր հրաւիրեալը բնականաբար Ֆրանսայի Հանրապետութեան նախագահ՝ Ֆրանսուա Հոլանտն էր, որուն ներկայութիւնը պետական յատուկ հանգամանք տուաւ երեկոյթին, Հայոց Ցեղասպանութեան հարիւրերորդ տարելիցին։

Երեկոյթի երկրորդ գլխաւոր հիւրը Շարլ Ազնաւուրն էր, որուն քաշողականութիւնը մասնակիցներուն վրայ շատ մեծ էր: Ան այս երեկոյթին Ֆրանսահայ Ընկերակցութիւնները Համակարգող Խորհուրդի կողմէ իբրեւ ,Տարուան Անձնաւորութիւնեը պարգեւատրուեցաւ յատուկ՝ 100¬րդ տարելիցի շքանշանով, հայ ժողովուրդին եւ Հայ Դատին ի նպաստ իր ներդրումին համար։

Ներկաներէն նշենք Հայաստանի դեսպան՝ Վիգէն Չիտեչեանը, Հայ եկեղեցւոյ երեք յարանուանութեանց պետերը՝ Ֆրանսայի Թեմի Առաջնորդ Վահան Եպիսկ. Յովհաննէսեանը, Հայ Կաթողիկէ Առաջնորդ Հայր Յովհաննէս Եպիսկ. Թէյրուզեանը եւ Հայ Աւետարանական եկեղեցւոյ հոգեւոր հովիւ Վերապատուելի Ժոէլ Միքայէլեանը. ֆրանսացի բազմաթիւ խորհրդարանականներէն, ծերակուտականներէն, քաղաքապետներէն եւ անձնաւորութիւններէն կարելի է յիշել նախարար Հարլէմ Տէզիրը, նախկին նախարարներ Փաթրիք Տէվէճեանը, Ժագ Թուպոնը, Փարիզի քաղաքապետ Անն Հիտալկօն, Ալֆորվիլի ծերակուտական-քաղաքապետ Լիւք Քարվունասը, Սարսէլի երեսփոխան-քաղաքապետ Ֆրանսուա Փիւփոնին, Նաթալի Քոսիւսքօ-Մորիզէն, Ֆրանսուա Ռոշպլուանը, Պրիւնօ Լը Ռուն, պատմագէտ Իվ Թերնոնը, Փրոֆ. Մահէն, երգիծաբան Մաթիէօ Մատէնեանը, շարժանկարի բեմադիր Ռոպէր Կէտիկեանը…։ Յիշենք նաեւ Ֆրանց-Օլիվիէ Ժիզպէրը, Պերնար Հանրի-Լեւին եւ այլք։p13 hollan

Պանդոկի մուտքին զետեղուած էին Ցեղասպանութեան վերաբերեալ ցուցատախտակներ։ Նախագահին ժամանումով հանդիսութիւնը սկսաւ։

Օրուան հաղորդավարի պաշտօնը ստանձնեց լրագրող Ֆրանց-Օլիվիէ Ժիզպէր։ Ան բեմ հրաւիրեց Ֆրանսահայ Ընկերակցութիւնները Համակարգող Խորհուրդի համանախագահներ՝ Արա Թորանեանը եւ Մուրատ Փափազեանը, 2015ի ոգեկոչման յանձնախումբի նախագահ Ալեքսի Կէօվճեանը, ինչպէս նաեւ միութեան Ռոն-Ալփի եւ Հարաւային Ֆրանսայի ներկայացուցիչները։ Արա Թորանեան իր ելոյթին ընթացքին մասնաւորաբար անդրադարձաւ Փէրինչէքի հարցով նոյն օրը առաւօտեան Սթրազպուրկի մէջ կայացած դատական նիստին եւ դատապարտեց Ցեղասպանութեան ցարդ անպատիժ մնալու արարքը։ Մուրատ Փափազեան իր կարգին ըսաւ, թէ Փէրինչէքի դատական վճիռէն կախեալ է Ֆրանսայի մէջ Ցեղասպանութեան ժխտողականութիւնը դատապարտող օրէնքին որդեգրումը։ Իսկ Ալեքսի Կէօվճեան դրուատանքի խօսքերով բեմ հրաւիրեց Շարլ Ազնաւուրը՝ պարգեւատրութեան համար։

Ազնաւուր իր ելոյթին ընթացքին յատկապէս շեշտեց, որ ինք հմուտ ճառախօս չէ եւ ընդհանրապէս բեմ կը բարձրանայ իբրեւ երգիչ եւ խօսքը ձայնանիշերու ընկերակցութեամբ կþարտայայտէ։ Շեշտեց իրեն համար ֆրանսերէն լեզուին կարեւորութիւնը. խօսեցաւ ինքնութեան հարցին մասին։ Երգիչը, ինչպէս յաճախ, հոս եւս յիշեց իր հօր՝ Վրաստանէն, մօր՝ Թուրքիայէն Ֆրանսա ժամանումը, եւ ըսաւ, որ ինք ալ հոս ծնած ըլլալով՝ Ֆրանսացի է…։ Եւ երբ իրեն հարց տան թէ ինք ո՞վ է, ի՞նչ է, կը պատասխանէ՝ ,քաֆէ օ լէե։

Ապա բեմ հրաւիրուեցաւ նախագահ Հոլանտը եւ մանրամասնօրէն խօսեցաւ Հայ Դատին եւ Թուրքիոյ կողմէ Ցեղասպանութեան ճանաչման կարեւոր հանգամանքի մասին, նշելով թէ Թուրքիա արդէն որոշ քայլեր առած է այդ գծով, սակայն պէտք է շարունակէ նոյն ուղիով իր ընթացքը։

Նախագահը վերահաստատեց, թէ Ապրիլ 24, 2015-ին Երեւան պիտի գտնուի ոչ իբր Ֆրանսուա Հոլանտ, այլ իբր Ֆրանսայի Հանրապետութեան նախագահ։ Նկատի ունենալով, որ միեւնոյն օրը Թուրքիան ալ Կալիփոլիի ճակատամարտը պիտի ոգեկոչէ, հետեւաբար իր Հայաստան ներկայութիւնը այլապէս նշանակալի կը դառնայ, զօրաւոր յանձնառութիւն մըն է՝ Ցեղասպանութեան ճանաչման առումով։ Նախագահը նաեւ շեշտը դրաւ բնականաբար հայ եւ ֆրանսացի ժողովուրդներու բարեկամութեան վրայ։

Աւարտին Ալեքսի Կէօվճեան ներկայացուց ընթացիկ տարուան գործունէութեան դաշտը՝ 2015ի առաքելութեան ծիրէն ներս։ Երեկոյթը վերջ գտաւ բաւական ուշ ժամերուն։

Պետական բարձրաստիճան ներկայութեան տեսանկիւնէն՝ յաջող էր ձեռնարկը։ Թէեւ, բացի Ապրիլ 24-ին Նախագահին Երեւան այցելութեան մասին յայտարարութենէն, յատուկ մասնաւոր անդրադարձ չկատարուեցաւ ոչ Փարիզի մէջ Ֆրանսահայ Ընկերակցութիւնները Համակարգող Խորհուրդի կեդրոնի ստեղծման համար վայր մը տրամադրելու հարցին, ոչ ալ վերջին շրջանին Հայաստանի եւ Արցախի սահմանին վրայ ազերի ամէնօրեայ յարձակումներուն ու դատապարտումի ոչ մէկ խօսք արտասանուեցաւ։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles