0
0
Թուական` Սեպտեմբեր 11, 2012 Վայր` Սոֆիա (Պուլկարիա)…Իւրայատուկ է այս լաուսանկարը, ուր իրապաշտօրէն եւ շատ աւելի տարբեր եւ իւրայատուկ ոճով կը ներկայացուի “ֆութպոլային քաղաքականութիւն“ը:
Այսպէս թէեւ թիւով սակաւ, սակայն վճռակամ եւ պինդ, բուռ մը հայորդի համակիրներ մարզադաշտ ժամանած են քաջալերելու իրենց հաւաքականը…նաեւ միեւնոյն ժամանակ Սաֆարովի ստեղծած թնճուկին առնչութեամբ` արդարութիւն պահանջելու:
Բեմահարթակէն եզակի “կրաֆֆիթի“…նկարներն ու գրութիւնները տպաւորիչ են:
Մանաւանդ որ, պարզ զուգադիպութեամբ մը, մրցումը կը կատարուէր մայրաքաղաք Սոֆիայի մէջ…պատմական Վիտոշ լեռէն որ շատ հերու, ուր գրեթէ դար մը առաջ զոհուած էր հայ յեղափոխական շարժումի ռահվիրաներէն` Քրիստափոր Միքայէլեան:
Անշուշտ դաշտէն ներս, այս հանդարտ ցոյցը ոչ մէկ ազդեցութիւն ունեցաւ Աշխարհի ոտնագնդակի զտումի` Պուլկարիա – Հայաստան մրցումին վրայ:
Ներքին ապահովութեան ուժերու հսկողութեան տակ, ոչ մէկ դէպք արձանագրուեցաւ, իսկ դաշտին վրայ արդիւնքը եղաւ ի նպաստ հիւրընկալ Պուլկարիոյ` 1-0:
