ՖԻԼԱՏԵԼՖԻՈՅ ՀԱՅ ՔՈՅՐԵՐՈՒ ՎԱՐԺԱՐԱՆԸ ՎԱՐԴԱՆԱՆՔ ԿԸ ՏՕՆԷ

0 0
Read Time:2 Minute, 0 Second

SONY DSC

Դարերէ ի վեր Հայ Ազգը կը պարծի Ս. Խաչի զօրութեամբ՝ որով պահած ու պահպանած է իր Ս. Հաւատքը ազգային գոյութիւնը։ Քրիստոսի Խաչը եղած է զօրավիգ իր կեանքի ճակատագրական որոշումներուն մէջ։ Ասոր փաստը տուին Վարդանանց Զօրավարները, որոնք անվարան փարեցան իրենց հաւատքին, պահեցին ուխտը մկրտութեան՝ հրաժարիլ սատանայէն, անոր չար գործերէն. հաւատարիմ մնալ Յիսուսի Քրիստոսի։SONY DSC

Վարդանանք Յազկերտի նամակին պատասխանեցին. “Մեր հաւատքէն ո՛չ ոք կրնայ բաժնել մեզ. քեզմէ տանջանք՝ մեզմէ համբերութիւն, քու սուրդ՝ մեր պարանոցները“։

Հայ Քոյրերու Վարժարանը ուսումնական բարձրորակ ծրագրի կողքին կը սորվեցնէ՝ կրօնքը վառ պահել եւ հաւատքը գործնականացնել Աստուծոյ եւ ընկերոջ սիրով։SONY DSC

Փետրուար 12-ը մասնայատուկ նշանակութիւն ունեցաւ Հայ Քոյրերու աշակերտներուն եւ անոնց ծնողներուն համար։ Օրը սկսաւ աղօթքով եւ շարունակուեցաւ հանդիսութեամբ։ Երրորդէն-ութերորդ դասարանի աշակերտները, Վարդանի եւ իր զինուորներուն քաջարի եւ հերոսական կեցուածքը ներկայացուցին ի դէմ Պարսիկներու արիւնահեղ եւ արիւնարբու սպառնալիքին։ Աշակերտները անթերի բեմադրութեամբ կատարեցին Արտաշատի համագումարը, որ տեղի ունեցաւ Կաթողիկոսարանի Վեհարանին մէջ. Յովսէփ Կաթողիկոսի, Ղեւոնդ Երէցի եւ Նախարարներու ներկայութեամբ։ Անոնք իրենց վճռական որոշումով կնքեցին Հայ ժողովրդի ճակատագիրը եւ ապահովեցին Ազգին ինքնութիւնն ու գոյատեւումը։

Գէորգ Զայպերի Վարդանի դերը ստանձնած էր որ կատարեց վառ խաղարկութեամբ, կենդանացած եւ այժմէական։ Հայկ Շիրոզեան՝ Յովսէփ Կաթողիկոսը կը ներկայացնէր որ հոգեթով խօսքերով եւ հայրական աղօթքներով քաջալերեց Վարդանն ու իր զօրավարները որ մնան հաստատ իրենց հաւատքին մէջ։ Ղեւոնդ Երէցի դերը  որ ստանձնած էր Վահէ Մինասեան՝  Խաչը ձեռքին Աւարայրի դաշտին վրայ բազկատարած կþաղօթէր . . . մինչ Վասակ Սիւնի կը դաւաճանէր իր ազգին եւ բանակը երկուքի կը բաժնէր։ Վասակի դերը ստանձնած էր Սեւակ Եփոյեան՝  իսկ Յազկերտի դերով Քզավիէ Երեմեան։SONY DSC

Ներկաները փոխադրուած էին Արտաշատ՝ ուր ժողովը կը գումարուէր։ Իսկապէս գեղեցիկ եւ արիացնող ներկայացում՝ որ ներկաներուն աչքերէն արցունք խլեց նաեւ տոկալու ոյժ թելադրեց։

Հոգեշնորհ Հայր Օշական Կիւլկիւլեան հովիւ Ս. Սահակ եւ Ս. Մեսրոպ Եկեղեցւոյ փակման խօսք ուղղեց ներկաներուն. խրախուսեց զանոնք որ վառ պահեն եւ անմահացնեն Վարդանանց հոգին իրենց առօրեայ կեանքին մէջ։ Ան շեշտեց կարեւորութիւնը ամէնօրեայ վարժարանին ուր՝ պարման-պարմանուհիներ հայոց լեզուի կողքին կը սորվին նաեւ իրենց պատմութիւնը, մշակոյթը։ Հայր Օշական ծնողներուն թելադրեց որ ընտանիքներու մէջ կարեւորութիւն տան հայ լեզուի գործածութեան իրենց զաւակներուն ու թոռներուն հետ, ներշնչեն հպարտութիւն եւ սէր ինքնութեան։ Ան իր հայրական յորդորը տուաւ նաեւ դերակատարներուն թէ ինչ որ բեմադրեցին պահեն Վարդանի եւ անոր քաջերու հոգին իրենց մէջ եւ գործով ու վեհութեամբ ցոյց տան աշխարհին թէ իրենք Հայ են եւ կը մնան Հայ։ Հայր Օշական եզրափակեց իր սրտառուչ խօսքերը Պարոյր Սեւակի հռչակաւոր տողերով. “Կանք, պիտի լինենք ու դեռ շատանանք“։

Վարդանանց Պատերազմը Հայ ժողովուրդի հաւատքի խթանն ու յաղթանակն է, որով նոր սերունդը պիտի ամրապնդուի ու վառ պահէ իր նախահայրերուն հաւատքի ու բարգաւաճման Ջահը։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles