ՖԻԼԱՏԵԼՖԻԱ.- Հ.Օ.Մ.Ի ԱՐԵՒԵԼԵԱՆ Ա.Մ.Ն.Ի 93-ՐԴ ՊԱՏԳԱՄԱՒՈՐԱԿԱՆ ԺՈՂՈՎԻՆ 17,750 ՏՈԼԱՐ ԿԱՐԵԼԻ ԵՂԱՒ ՀԱՒԱՔԵԼ Ի ՆՊԱՍՏ ՍՈՒՐԻԱՀԱՅՈՒԹԵԱՆ

0 0
Read Time:54 Second

p1  Հայ Օգնութեան Միութեան Ա.Մ.Ն. Արեւելեան շրջանի 93-րդ Պատգամաւորական Ժողովը, տեղի ունեցաւ Յուլիս 18-էն 21, Ֆիլատելֆիոյ Քինկ Օֆ Փրաշա շրջանի “Տապըլ Թրի“ պանդոկին մէջ: Զանազան շրջանները ներկայացնող պատգամաւորներուն կողքին, ներկայ էին նաեւ հրաւիրեալներ, որոմց կարգին Ա.Մ.Ն. Արեւեալեան շրջանի Բարեջան Առաջնորդ Օշական Արք. Չօլոյեան:

Ա.Մ.Ն. Արեւելեան շրջանի Կեդրոնական Կոմիտէն կը ներկայացնէր ընկհ. Անժէլ Մանուկեան, իսկ Հ.Օ.Մ.-ի Կեդրոնական Վարչութեան ներկայացուցիչն էր Քարոլին Շմաւոնեան: Հիւրաբար ներկայ էր նաեւ, Հ.Օ.Մ.-ի Կեդրոնական Վարչութեան ատենապետուհի Վիգի Մարաշլեան:

Ժողովին կիզակէտն էր Սուրիահայութեան օժանդակութեան համար դրամահաւաքի աշխատանքները: Այս գծով, կարելի եղաւ կէս ժամուան ընթացքին հաւաքել 17.750 տոլար:

Բացման հանդիսութեան խօսք առաւ Բարեջան Առաջնորդ Օշական Արք. Չօլոյեան, որ նշեց թէ Հայ Օգնութեան Միութիւնը իր բարեսիրական, կրթական, խնամատարական լայնածաւալ եւ հետեւողական գործունէութեան ընդմէջէն, հայրենասիրութեան լաւագոյն արտայայտիչն է, նաեւ իրաւացիօրէն հպարտութեան զգացումներ կը ներշնչէ բոլորին:

Ժողովը մանրամասնօրէն քննեց կատարուած աշխատանքն ու կատարուեցան առաջարկներ յառաջիկայ տարիներուն համար:

Նորակազմ Շրջանային Վարչութիւնը կը բաղկանայ հետեւեալ անդամներէ.-

Անի Աթթար (Տիթրոյթ), Թալին Մկրտիչեան (Փրովիտենս), Սեւան Քոլէճեան (Ուաշինկթըն), Վալանթին Պէրպէրեան (Նիւ Եորք), Սիլվա Պետեան (Շիքակօ), Մելիսա Սիմոնեան (Փրովիտենս) եւ Մարճի Պապիկեան (Նիւ Ճըրզի):

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles