ՖԻԼԱՏԵԼՖԻԱ.- ԱԶԳԱՅԻՆ ՀԱՅԿԱԶԵԱՆ ՎԱՐԺԱՐԱՆԻ ՀԱՆԴԷՍԸ

0 0
Read Time:1 Minute, 48 Second

p11 phl2

Ն.Ա.Պ.

Մայիս 31, 2015 եզակի օր մըն էր Հայկազեան վարժարանի մեծ ընտանիքին համար, հարիւրէ աւելի անձեր հաւաքուած էին Ս. Գրիգոր Լուսաւորիչ Եկեղեցւոյ Թերհանեան սրահը, ներկայ ըլլալու եւ ըմբոշխնելու Հայկազեան Ազգային վարժարանի Ամավերջի հանդէսը։

Ամերիկեան, Հայկական եւ Հայկազեան Վարժարանի Քայլերգները աշակերտներու եւ ներկաներու կողմէ երգուելէ ետք, դպրոցի տնօրէնուհի, Տիկին Նայիրի Պալանեան այսպէս սկսաւ այս տարուայ եզակի հանդէսը.-  «Զարմանալի զուգադիպութիւն է, որ ճիշդ 100 տարի առաջ, այս օրը, Հ.Յ.Դ. Կարմիր Խաչի  Առաջին Պատգամաւորական Ժողովին,  գումարուած Համաշխարհային  Ա. Պատերազմի օրերուն , 1915ի Մայիս  30-31ին, այդ ժողովը կը զբաղէր օրուան անմիջական ու հրատապ հարցերով եւ կը կազմէր իր աշխատանքի ծրագիրը հետեւեալ կէտերով.-

– Հանգանակութիւն՝ օգնութեան հասնելու համար հայ բեկորներուն,

– Հանդերձահաւաք՝ Կովկաս ապաստանած գաղթականներու համար,

– Հիւանդապահներու մարզում, զանոնք պատերազմի ճակատ ղրկելու

– Անդամներու յատուկ հայերէն դասընթացքներ,

– Անդամարշաւ,

– Հայկական դպրոցներու դասընթացքներու հաստատում

– Հայաշատ վայրերու մէջ՝ նոր սերունդի հայեցի դաստիարակութեան համար:

Մեր Պատմութեան ամենացաւալի օրերուն, երբ մեր ազգը իր գողգոթան կþապրէր, մեր ազգի առաջնորդները, գիտակցելով հայ դպրոցի անհրաժեշտութեան որոշեցին բանալ միօրեայ դպրոցներ ու այդ դպրոցներէն մէկը Հայկազեան Ազգային վարժարանն է, որ աւելի քան 75 տարիներէ ի վեր կը գոյատեւէ, շնորհիւ Ազգային Ուսումնական Խորհուրդին, Սուրբ Գրիգոր Լուսաւորիչ Եկեղեցւոյ եւ Հ.Օ.Մ.-ի զոյգ մասնաճիւղերուն։p11 phl1

Գարեգին Նժդեհ ըսած է.- «Ես ճշմարտութիւններ գիտեմ, որոնցմէ մէկը կþըսէ, որ կþուզես գուշակելու տեսնել ժողովուրդի մը ապագան՝ նայիր անոր երիտասարդներուն»։ Կը հաւատանք, որ միայն Հայ Ազգային վարժարանն է, որ ծնողքին եւ կազմակերպութիւններու կողքին, կը պատրաստէ ապագայ  Ազգանուէր Հայը…»։

Ան  շնորհակալութիւն յայտնեց աշակերտներուն եւ ուսուցիչներուն:

Ապա ուսուցիչները հրաւիրուեցան որ իրենց աշակերտներուն իրենց գնահատագրերն ու պայուսակները տան, որոնց վրայ  տնօրէնուհին Հայկազեան գրած ու Արարատը գծած էր։

Հայկազեան վարժարանի համար մեծ հպարտութիւն էր, որ մեր աշակերտներէն Լորա Սինքլըրը Պատուոյ Յիշատակութեան, Դալար Յովսէփեան երկրորդ եւ Ճիաննա Տէկիրմէնճեան առաջին հանդիսացան Հ.Օ.Մ.-ի շարադրութեան Մրցումներուն։

Փոքրիկ աշակերտները հանդէս եկան արտասանութիւններով եւ երգերով։ Միջին եւ Կրտսեր կարգի աշակերտները ներկայացուցին կենդանի պատկեր մը՝ Մեր Պատմութիւնը: Սկսելով ներկայացնել Հայկական Գիւղի մը անդորր կեանքը… մինչեւ այն սեւ օրը երբ սկսաւ տեղահանութիւնը: Դժբախտաբար փոքր էր թիւը աշակերտութեան, սակայն բոլորն ալ իսկապէս ճիգ թափեցին, որ եզակի հանդէս մը ներկայացնեն: Երգեցին «Սեղանն է Առատ», «Ձայն մը Հնչեց», «Իբրեւ Արծիւ», «Սարտարապատ» եւ «Գինիլից»: Պարեցին «Թամզարա» եւ յատուկ զինուորական զգեստներով՝ «Եարխուշտան»: Հանդէսը վերջ գտաւ «Իմ Անունս Հայաստան Է» երգախառն պարով:

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles