ՓԱՐԻԶԻ ՄԷՋ.- ՀՈԼԱՆՏ – ՍԱՐԳՍԵԱՆ – ԱԼԻԵՒ ՀԱՆԴԻՊՈՒՄ

0 0
Read Time:1 Minute, 7 Second

p1ՓԱՐԻԶ.-  Երկուշաբթի Հոկտեմբեր 27-ին, Մարինյի պալատին մէջ աւարտեցան Արցախի տագնապի լուծման գծով բանակցութիւնները` նախաձեռնութեամբ Ֆրանսայի նախագահ Ֆրանսուա Հոլանտի եւ մասնակցութեամբ Հայաստանի նածագահ Սերժ Սարգսեանի, Ատրպէյճանի նախագահ Իլհամ Ալիեւի, ԵԱՀԿ-ի Մինսքի խմբակի համանախագահներուն եւ գործող նախագահի անձնական ներկայացուցիչ Անճէյ Քասփըրչիքի:

Հոլանտ, երկու երկիրներու ղեկավարներուն կոչ ուղղեց բանակցութիւններու միջոցով, Արցախեան տագնապի ամուր լուծման ուղղութեամբ աշխուժացնելու ջանքերը` միջազգային իրաւունքի սկզբունքներուն համապատասխան եւ Մինսքի խմբակի համանախագահներուն կողմէ սահմանուած սկզբունքներուն հիման վրայ: Հոլանտ անընդունելի նկատած է գոյավիճակի պահպանումը` առաջարկելով համապարփակ խաղաղ համաձայնագիր մշակել:

Ապա, Հոլանտ առանձնաբար տեսակցեցաւ երկու նախագահներուն հետ:p1 b

Սերժ Սարգսեանի հետ տեսակցութեան ընթացքին, նախագահները քննարկեցին հայ-ֆրանսական յարաբերութիւնները, ինչպէս նաեւ անդրադարձան շրջանային եւ միջազգային կացութեան մասին: Զրուցակիցները ընդգծեցին, որ հայ-ֆրանսական առանձնաշնորհեալ յարաբերութիւնները վկայութիւնն են ընդհանուր արժէքներու վրայ հիմնուած հայ եւ ֆրանսացի ժողովուրդներու դարաւոր բարեկամութեան, եւ թէ այդ յարաբերութիւնները տարուէ տարի աւելի կ՛ամրապնդուին բարձր մակարդակի փոխադարձ այցելութիւններով, միջխորհրդարանական սերտ կապերով, ապակեդրոնացած համագործակցութեան ընդլայնումով եւ զարգացումով` փոխադարձ հետաքրքրութիւն ներկայացնող բոլոր մարզերուն մէջ, ինչպէս նաեւ միջազգային կազմակերպութիւններու ծիրին մէջ  համագործակցութեամբ: Նախագահներ Սերժ Սարգսեան եւ Ֆրանսուա Հոլանտ գոհունակութեամբ ընդգծեցին, որ քաղաքական բարձր մակարդակի երկխօսութենէն բացի, աշխուժօրէն կը զարգանան եւ կ՛ամրապնդուին նաեւ տնտեսական կապերը. ֆրանսական ներդրումներու ծաւալը հայաստանեան տնտեսութեան մէջ այսօր արդէն կը կազմէ շուրջ մէկ միլիառ տոլար: Հոլանտ շնորհակալութիւն յայտնեց Սարգսեանին` միջազգային խաղաղապահ առաքելութեան Հայաստանի մասնակցութեան, ինչպէս նաեւ ափրիկեան շրջանին մէջ Մ.Ա.Կ.-ի հովանիին ներքեւ իրականացուող գործողութիւններուն հայկական կողմին մասնակցութեան պատրաստակամութեան համար:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles