Փարիզի Մէջ Արցախի Զօրակցութեան Հաւաք

0 0
Read Time:1 Minute, 45 Second

ՓԱՐԻԶ․-  Երեքշաբթի, Յունուար 10-ի երեկոյեան, Ֆրանսայի Ազգային Ժողովի շէնքին դիմաց հարիւրաւոր հայորդիներ ընդառաջելով Ֆրանսահայ կազմակերպութիւններու համակարգող խորհուրդի կոչին, կատարեցին բողոքի հաւաք՝ առ ի զօրակցութիւն Արցախի ու արցախահայութեան եւ մասնաւորապէս առ ի պահանջ Ատրպէյճանի կողմէ Արցախի շրջափակման անյապաղ վերացման:

Հաւաքին ներկայ էին մեծ թիւով պատգամաւորներ, ծերակուտականներ, քաղաքապետներ, լրագրողներ եւ այլ համայնքներու ներկայացուցիչներ: Խօսք առին եւ իրենց զօրակցութիւնը յայտնեցին արցախահայութեան ու դատապարտեցին Ատրպէյճանը՝ ծերակուտական Վալերի Պուայէ, պատգամաւորներ՝ Սապրինա Ակրեսթի-Ռուպաշ, Սիլվէն Մայար, Լիոնէլ Փերօ, Ալեքսանտրա Մարթէն, Իզապէլ Սանթիակօ, Սարա Թանզիլի, Ասթրիտ Փանոսեան, Ժերոմ Կէճ, Նաթալի Լուազօ, ասորի համայնքի կողմէ՝ Անթոնի Եալափ, քրտական համայնքի կողմէ՝ Ակիթ Փօլատ եւ Ֆրանսայի իրաւաբաններու խորհուրդի փոխ նախագահ Վենսան Նիորէ, ինչպէս նաեւ՝ Ֆրանսահայ Կազմակերպութեանց Խորհուրդի համանախագահներ Մուրատ Փափազեան եւ Արա Թորանեան:

Հաւաքին ընթացքին վեր առնուեցաւ Թուրքիոյ եւ Ատրպէյճանի դէմ պայքարը շարունակելու ֆրանսահայ համայնքի վճռակամութիւնը: Որոշուեցաւ յաջորդական երկու շաբաթներու ընթացքին շարունակել բողոքի հաւաքները, պահանջելով Ֆրանսայի ուղղակի միջամտութիւնը շրջափակման վերացման համար:

Հաւաքի մասնակիցները ողջունեցին Ազգային Ժողովի նախագահ Եաէլ Պրաուն-Փիվէի առաջնորդած խորհրդարանական պատուիրակութեան զօրակցական այցելութիւնը Երեւան, որ տեղի պիտի ունենայ Յունուար 12-14-ին:

Ֆրանսայի Ազգային ժողովի նախագահուհի Եաէլ Պրաուն-Փիվէ «Թուիթըր»-ի իր էջին տեղադ րած գրառումով՝ հայութեան ուղղուած Սուրբ ծննդեան բարեմաղթանքներէն ետք, հաղորդելով իր այցելութեան լուրը, տեղեկացուց, թէ պատուիրակութեան մաս կը կազմեն Ազգային ժողովի փոխ նախագահուհի Վալերի Ռապօ, արտաքին յարաբերութիւններու յանձնաժողովի նախագահ Ժան Լուի Պուրլանժ, արտասահմանի Ֆրանսացիներու երեսփոխանուհի Անն Ժենըթէ, տնտեսական հարցերու յանձնաժողովի փոխ-նա խագահուհի, Ֆրանսա-Հայաստան բարեկամութեան խումբի նախագահուհի Անն-Լօրանս Փեթէլ եւ այլ պաշտօնակիցներ։

Մ․Ա․Կ․-ի ընդհանուր քարտուղար Անթոնիօ Կութիերես վերահաստատեց իր կոչը` ապահովելու Բերձորի միջանցքով ազատ ու անվտանգ տեղաշարժը: Ընդհանուր քարտուղարը ներկայ կացութեան վերաբերեալ իր մտահոգութիւնները յայտնած է Դեկտեմբեր 14-ի իր յայտարարութեան մէջ: Այս մտահոգութիւնները քարտուղարութեան կողմէ արտայայտուած են նաեւ Դեկտեմբեր 22-ին Հայաստանի հայցով հրաւիրուած Ապահովութեան խորհուրդի արտակարգ նիստի ընթացքին:

Ընդհանուր քարտուղարը կը վերահաստատէ իր կոչերը` թուլացնելու լարուածութիւնը եւ ապահովելու միջանցքով ազատ ու անվտանգ տեղաշարժը` համաձայն նախապէս ձեռք բերուած համաձայնութիւններուն, ան իր աջակցութիւնը կը յայտնէ միջնորդական ջանքերուն։

«Մ․Ա․Կ․-ի ներկայացուցչութիւնները Հայաստանի եւ Ազրպէյճանի մէջ կը շարունակեն տեղւոյն վրայ բաց պահել կապը իշխանութիւններու եւ միջազգային կազմակերպութիւններու հետ ու պատրաստ են արձագանգելու, եթէ ըլլայ դիմում եւ պայմանները արտօնեն», կը տեղեկացնէ Մ․Ա․Կ․-ի ընդհանուր քարտուղարի բանբերը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles