ՏԻԹՐՈՅԹԻ ՍՈՒՐԲ ՍԱՐԳԻՍ ԵԿԵՂԵՑՒՈՅ ՁԵՌՆԱԴՐՈՒԹԻՒՆ ԵՒ 60-ԱՄԵԱԿԻ ՏՕՆԱԿԱՏԱՐՈՒԹԻՒՆ

0 0
Read Time:1 Minute, 14 Second

Կիրակի, Նոյեմբեր 27_ին, Տիթրոյթի Սուրբ Սարգիս եկեղեցին լիիրաւ կերպով ապրեցաւ Գոհաբանութեան Օրուան ոգին, նշելով իր 60-ամեակը:

Ա.Մ.Ն. Արեւելեան Թեմի բարեջան Առաջնորդ՝ Գերշ. Տ. Անուշաւան Արքեպիսկոպոս Դանիէլեան, պատարագեց եկեղեցւոյ 60-ամեայ տօնակատարութեան առթիւ։ Յընթացս Սուրբ Պատարագի Սարկաւագ ձեռնադրեց Սերժ կիսասարկաւագ Կարապետեանը։ Սրբազան Հայրը բարձրօրէն դրուատեց նորընծան եւ անոր աշխոյժ մասնակցութիւնը՝ Նիւ Ճըրզիի Սրբոց Վարդանանց եկեղեցւոյ կիրակնօրեայ վարժարանի, պատանեաց խմբակի, ապա՝ Ազգային Առաջնորդարանի «Սուրբ Գրիգոր Տաթեւացի» լսարանին մէջ, եւ վերջապէս՝ Տիթրոյիթի Ս. Սարգիս եկեղեցիէն ներս։

Յաւարտ Սուրբ Պատարագի, ծխականները ցնծութեամբ դիմաւորեցին նորոգ սրբագործուած Սուրբ Միւռոնը եւ վայելեցին Ջրօրհնէքի հոգեպարար արարողութիւնը։ Հոգեհանգստեան պաշտօնէն ետք, հաւատացեալները ուղղուեցան եկեղեցւոյ «Լիլիան Առաքելեան» հիմնովին նորոգուած սրահը, ուր տեղի ունեցաւ աւանդական Տնօրհնէքի արարողութիւնը։

Ներկաները վայելեցին ճոխ հիւրասիրութիւն։ Մեթր Մովսէս Շրիգեան՝ եկեղեցւոյ ատենապետը, հանգամանօրէն ներկայացուց սրահի նորոգման տարբեր փուլերը, որուն պիտի հետեւի եկեղեցւոյ նորոգութիւնը։ Ապա, 1962 թուին Սուրբ Սարգիս եկեղեցւոյ շինութեան յանձնախումբի նահապետը հանդիսացող տիար Ճորճ Առաքելեանը ոգեկոչեց հիմնադիր անդամներու օրինակելի զոհողութիւնը, որուն շնորհիւ գաղութը բարգաւաճեցաւ։ Այնուհետեւ ցուցադրուեցաւ եկեղեցւոյ ուրուագծային պատմութեան տեսերիզը, որ պատրաստուած էր հոգեւոր հովիւ՝ Արժպ. Տ. Հրանդ Քհն. Գէորգեանի իննամեայ մանչ զաւակին՝ Նարեկի կողմէ։ Տէր Հայրը իր խորազգաց շնորհակալութիւնը յայտնեց ծխականներուն, որոնք միշտ զօրավիգ եղած են առհասարակ գաղութին, եւ ի մասնաւորի եկեղեցւոյ ծրագիրներու իրագործման։

Սրբազան Հայրը բարձրօրէն գնահատեց գաղութի յառաջդիմութեան մէջ հոգեւոր հովիւին ու հոգաբարձութեան առողջ ղեկավարութիւնը՝ գործակցութեամբ եկեղեցւոյ յարակից մարմիններու եւ քոյր կազմակերպութեանց, եւ հրաւիրեց որ իւրաքանչիւր անդամ իբրեւ տէր եւ ծառայ իր գործօն մասնակցութիւնը բերէ Աստուծոյ Տան հզօրացման, որ երաշխիքն է գաղութի գոյապահպանման։ «Պահպանիչ» աղօթքով ու «Կիլիկիա» երգով փակուեցաւ նորակերտ Սուրբ Սարգիս եկեղեցւոյ վաթսունամեակի յուսադրիչ տօնակատարութիւնը։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles