ՎԱՐՉԱՊԵՏ ԱԲՐԱՀԱՄԵԱՆ ԱԶԳԱՅԻՆ ԺՈՂՈՎԻՆ ՆԵՐԿԱՅԱՑՈՒՑ ԿԱՌԱՎԱՐՈՒԹԵԱՆ ԾՐԱԳԻՐԸ

0 0
Read Time:53 Second

hovik-abrahamyan-ra-na-government_0  ԵՐԵՒԱՆ.- Երեքշաբթի, Մայիս 20-ին, Հ.Հ. վարչապետ Յովիկ Աբրահամեան, խորհրդարանէն ներս ներկայացուց կառավարութեան ծրագիրը: Ներկայացնելով կառավարութեան ծրագիրները` վարչապետ Աբրահամեան անդրադարձաւ կուտակային կենսաթոշակային համակարգին:

“Կենսաթոշակային բարեփոխումները մեր երկրին մէջ անհրաժեշտ են, եւ անոնք անպայման պիտի ունենան պարտադիր բաղադրիչ, սակայն մենք պարտաւոր ենք բարեփոխումներու այնպիսի ուղի գտնել, որ շահաւէտ ըլլայ բոլորին համար եւ խթանէ մարդոց մասնակցութիւնը այդ հոլովոյթին: Ատիկա պէտք է ըլլայ պարտադիր, բայց ոչ պարտադրուած, եւ մենք ամէն օր կ՛աշխատինք այդ լուծումը ձեւաւորելու ուղղութեամբ եւ շուտով պիտի ներկայացնենք ձեր դատին“, ըսաւ Աբրահամեան:
Նոր կառավարութեան ծրագրին մէջ, նաեւ կը խօսուի Մաքսային եւ Եւրասիական տնտեսական միութեան անդամակցելու անհրաժեշտութեան մասին: Մինչդեռ Տիգրան Սարգսեանի կառավարութիւնը կը խոստանար մինչեւ 2017 թուականը աւարտին հասցնել Եւրոպական Միութեան հետ համագործակցութեան համաձայնագիրի շուրջ բանակցութիւնները: 180 աստիճանով փոխելով արտաքին քաղաքականութեան առաջնահերթութիւնը, կառավարութիւնը ներկայիս ընդամէնը կը խօսի Եւրոպական Միութեան հետ համագործակցութեան նոր շրջանակ ձեւաւորելու մասին:
Վարչապետ Աբրահամեան շեշտեց, որ ան խստապահանջ եւ ականջալուր պիտի ըլլայ եւ խոստացաւ գործարարներու համար հաւասար մրցակցութիւն ստեղծել:
Կառավարութեան եռամեայ ծրագիրով կը նախատեսուի ապահովել տարեկան 5 տոկոս տնտեսական աճ, նուազագոյն աշխատավարձը հասցնել 65 հազար դրամի, իսկ աղքատութիւնը 35 տոկոսէն կրճատել մինչեւ 25 տոկոս:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles