Վերջին հրաժեշտ…

0 0
Read Time:1 Minute, 37 Second

v2

Հ. Յ. Դաշնակցութեան Բիւրոյի անդամ, Գերմանիոյ մէջ Հայաստանի Հանրապետութեան արտակարգ եւ լիազօր դեսպան, հասարակական-քաղաքական գործիչ Վահան Յովհաննիսեանի հոգեհանգիստը տեղի ունեցաւ երէկ` Երեւանի Նոր Նորքի Սուրբ. Սարգիս եկեղեցւոյ մէջ: v trosh dghakՎերջին հրաժեշտի արարողութիւնը տեղի ունեցաւ այսօր Շաբաթ, Կոմիտասի անուան երաժշտութեան տան մէջ, որմէ ետք կատարուեցաւ յուղարկաւորութիւնը` Երեւանի քաղաքային պանթէոնին մէջ:
Վահան Յովհաննիսեանի հոգեհանգստեան արարողութեան ներկայ եղան Հայաստանի Հանրապետութեան նախագահ Սերժ Սարգսեան եւ առաջին տիկին Ռիթա Սարգսեան, որոնք ցաւակցեցան հանգուցեալին հարազատներուն, եւ յարգանքի տուրք մատուցեցին Վահան Յովհաննիսեանի յիշատակին:
Արտաքին Գործոց նախարար Էդուարդ Նալպանտեան, իր ցաւակցութիւնը փոխանցեց եւ նշեց թէ.- «Վահանը Մեր Կողքին Է, Ողջ: Ցաւօք, Վահանը կարճ ժամանակով դեսպան եղաւ, մեծ ծրագիրներ ունէր, մեծ եռանդ ունէր, ան նաեւ մեծ դեր ունեցած է արտաքին քաղաքականութեան մէջ` ներկայացնելով Հայաստանը տարբեր խորհրդարանական վեհաժողովներու մէջ, ղեկավարելով հայկական պատգամաւորական պատուիրակութիւններ: v3Ան վառ անձնաւորութիւն էր: Դժուար է պատկերացնել, որ Վահանը այլեւս մեր կողքին չէ: Անոնք, որոնք ճանչցած եւ հաղորդակցած են Վահանին հետ, գիտեն եւ այդպէս ալ կը պատկերացնեն, որ Վահանը մեր կողքին է, ողջ: Վերջին անգամ Յուլիսին Պերլինի հիւանդանոցին մէջ այցելեցի Վահանին, տակաւին յոյսեր կային, որ կ՛ապաքինի, բայց հետաքրքրական է, որ Վահանը իսկապէս մեծ եռանդով կը խօսէր իր ապագայ ծրագիրներուն մասին: Ցաւօք, Վահանը առիթ չունեցաւ զանոնք իրագործելու», ըսաւ Նալպանտեան:v9
Վարչապետ Յովիկ Աբրահամեան, յայտնեց.- «Ես մեծ կորուստ ապրած եմ, որովհետեւ մենք նաեւ ջերմ անձնական յարաբերութիւններու մէջ էինք: Իբրեւ հայ ժողովուրդի զաւակ, իբրեւ գիտնական, ես մեծ ցաւ կ՛ապրիմ եւ մեծ կորուստ կը նկատեմ հայ ժողովուրդին համար: Վահան Յովհաննիսեանի սուր ելոյթներէն երբեք չեմ նեղուած, որովհետեւ եթէ ճիշդ բան կ՛ըսես, անկախ անկէ` սուր է թէ ոչ, բոլորը պէտք է ընդունին եւ համակերպին»:
Իսկ, Պաշտպանութեան նախարար Սէյրան Օհանեան Վահան Յովհաննիսեանը բնութագրեց իբրեւ մեր նորօրեայ պատմութիւնը կերտողներէն մէկը, որմէ պէտք է օրինակ առնէ ներկայ սերունդը: «Վահան Յովհաննիսեան իր պայքարը մղած է ոչ միայն գաղափարական, այլեւ մարտական դաշտին մէջ: Ինք եւ իր ընկերները մարտնչած են ե՛ւ ղարաբաղեան հատուածին մէջ, ե՛ւ Հայաստանի սահմանամերձ վայրերու պաշտպանութեան ժամանակ: Վահան Յովհաննիսեանի կերպարը մեր մատաղ սերունդին համար օրինակ է` իբրեւ զարգացած, արհեստավարժ անձնաւորութիւն», ըսաւ նախարար Սէյրան Օհանեան:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles