ՆԻՒ ԵՈՐՔԻ ՍՈՒՐԲ ԼՈՒՍԱՒՈՐԻՉ ՇԱԲԱԹՕՐԵԱՅ ՎԱՐԺԱՐԱՆԻ ԱՄԱՎԵՐՋԻ ՀԱՆԴԷՍ

0 0
Read Time:1 Minute, 21 Second

ny1

Շաբաթ, Յունիս 20-ին, Ուուտսայտի Հայ Կեդրոնի սրահին մէջ տեղի ունեցաւ Սբ. Լուսաւորիչ Շաբաթօրեայ Վարժարանի ամավերջի հանդէսը, որուն ներկայ էին Սբ. Լուսաւորիչ Մայր Եկեղեցւոյ հոգեւոր հովիւ՝ Արժ. Տ. Մեսրոպ. Քհնյ. Լագիսեան, ծնողներ եւ հիւրեր:
Հանդէսը սկսաւ Տէրունական Աղօթքով եւ Հայաստանի Օրհներգով:
Ներկաներուն բարի գալուստ մաղթեց եւ շնորհակալութիւն յայտնեց վարժարանի տնօրէնուհի՝ Տիկ. Մարի Եարալեան: Շատ կարճ խօսքով ան անդրադարձաւ հայերէնի իմացութեան եւ խօսելու կարեւորութեան: Շնորհակալութիւն յայտնեց ուսուցիչներուն եւ ծնողներուն, որոնք բարոյական եւ նիւթական աջակցութեամբ դպրոցի կողքին կը կանգնին:
Հանդէսի առաջին բաժինը փոքրերունն էր: Անոնք խանդավառութեամբ եւ զուլալ հայերէնով արտասանեցին ու երգեցին լուսինի, մկնիկի, մայրիկի մասին:
Երկրորդ բաժինով, խումբ մը աշակերտներ պատմեցին իրենց ընտանեկան ծառի մասին, մէկ առ մէկ նշելով, թէ իրենց մեծ հայրերն ու մեծ մայրերը ուրկէ եկած են: Ոմանք յիշեցին, որ անոնք ցեղասպանութենէն վերապրածներ են: Ոմանք եկած էին Մուսա Լեռէն, ուրիշներ՝ Պոլիսէն…ny2
Ապա, Սալբի Քէչէլեան արտասանեց Յ. Թումանեանի «Հին Օրհնութիւնը»:
Ալեքս Թաշճեան կարճ բանաստեղծութեամբ մը «գանգատեցաւ», որ իր գնդակը ֆութպոլէն բան չի հասկնար…
Փոքր խմբակ մը՝ Ալեքսը, Անժելինան, Թալինը, Ամանտան եւ Սալբին ներկայացուցին «Ծընկըլը-Մընկըլը» կամակոր ծիտիկի մասին կարճ թատերգութիւնը: Երաժշտութեամբ անոնց ընկերացաւ Օրդ. Շուշան Սաւզեան:
Նոյն խմբակը նաեւ ներկայացուց Հայրենիքին նուիրուած երկու բանաստեղծութիւն: Ամանտա Ուորթի կատարեց Աւ. Իսահակեանի «Ռավեննայում»-ը: Եւ վերջաւորութեան, Սալբին, Ուիլեամ Սարոյեանի «Հայը եւ Հայը» պատմուածքէն մէջբերումներով մարտահրաւէր կարդաց աշխարհին եւ յիշեցուց, որ կարելի չէ այս փոքր ազգը կոտորել…
Հանդէսի աւարտին բեմ հրաւիրուեցաւ Արժ. Տ. Մեսրոպ Քհնյ. Լագիսեան: Ան, այս փոքր դպրոցը նմանցուց ընտանիքի, որ միասին կը քալէ: Անդրադարձաւ այստեղ տիրող հայեցի մթնոլորտին եւ յորդորեց ամէն գնով զայն պահել ու ընդարձակել: Գնահատեց ուսուցչական կազմի աշխատանքը եւ ծնողներու ջերմ վերաբերմունքը:
Ծնողներու կողմէ պատրաստուած հիւրասիրութեամբ ներկաները ամառնային բարի արձակուրդ մաղթեցին իրարու եւ բաժնուեցան՝ Սեպտեմբերին դարձեալ հանդիպելու համար:

Ներկայ մը

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles