Սամուէլ Կարապետեանի Բանտարկութիւնը Երկարաձգուեցաւ

ԵՐԵՒԱՆ.- 18 Նոյեմբերին, դատարանը ռուսահայ ձերբակալուած գործարար եւ բարերար Սամուէլ Կարապետեանի բանտարկութիւնը երկարաձգեց յաւելեալ երկու ամիսներով։

Կարապետեանի փաստաբան Ռապըրթ Ամսթըրտեմ լրագրողներու հետ ունեցած զրոյցի մը ընթացքին յայտնեց, որ Հայաստանի մէջ «հեռախօսային արդարադատութիւն» կը գործադրուի, յայտնելով, թէ.- «Երբ իմ պաշտպանեալիս՝ Սամուէլ Կարապետեանի, բանտարկութիւնը երկարաձգելու հարցով դատական նիստը տակաւին ընթացքի մէջ էր, վարչապետին ընտանիքին պատկանող լրատուամիջոցը արդէն հրապարակեց բանտարկութիւնը երկարաձգելու վճիռը»: