ՍԱՄԱՆԹԱ ՓԱՈՒԸՐԻ ԱԶԴԵՑԻԿ ՅԱՅՏԱՐԱՐՈՒԹԻՒՆԸ

0 0
Read Time:1 Minute, 42 Second

p1-khemp-samantha_power
ՀԱՅՐԵՆԻՔ
Խմբագրական
Դեկտեմբեր 6, 2016

Միացեալ Ազգերու Կազմակերպութեան մօտ, Միացեալ Նահանգներու դեսպան Սամանթա Փաուըր, անցեալ շաբթուան ընթացքին, Ողջակիզումէն ճողոպրած, Մարդկային իրաւունքներու պաշտպան եւ Նոպէլեան մրցանակի մետալակիր Էլի Վիզըլի (մահացած Յուլիս 2, 2016-ին) յիշատակին կատարուած ձեռնարկի մը առթիւ, խօսք առնելով գործածեց Ցեղասպանութիւն բառը: Կարճ ու յստակ էր հաստատումը.- «Հայոց դէմ կատարուած Ցեղասպանութեան ուրացում»:
Հաւանաբար ընթերցողն ու յատկապէս ամերիկահայ զանգուածը, այս կատարուած հաստատութեամբ անակնկալի չգայ եւ իւրայատուկ համաշխարհայնացած Շէյքսփիրեան լեզուով բացագանչէ.- «So What» մը: Հասկնալի է այս կրաւորական եւ անտարբեր մօտեցումը, որովհետեւ յատկապէս Հայ Դատին համար գործող հայորդիին համար Սամանթա Փաուըրը միշտ ալ եղած է Հայոց Ցեղասպանութեան ուրացման ու ժխտականութեան դէմ պայքարող անձնաւորութիւն մը: Նոյնիսկ, տարիներ առաջ Հայ Դատի մեծարանքի հանդիսութեան, Սամանթա Փաուըր արժանացած էր «Ազատութիւն» շքանշանին եւ Նիւ Եորքի մէջ կայացած այդ ձեռնարկին, ան բազմիցս գործածած էր Հայոց Ցեղասպանութիւն հաստատումն ու իր զօրակցութիւնը յայտնած էր:
Դեռ աւելին, Ցեղասպանութեան հարցերով զբաղուող Փաուըրի լոյս ընծայած հրատարակութիւններէն՝ «A Problem from Hell: America and the Age of Genocide» գիրքը, 2002-ին արժանացած էր փուլիցըր մրցանակին:
Օգոստոս 2016-էն ի վեր ստանձնած Միացեալ Ազգերու Կազմակերպութեան մօտ, Միացեալ Նահանգներու դեսպանութեան պաշտօնը, Սամանթա Փաուըր հետզհետէ սկսած էր քննադատուիլ, իր արտայայտութիւններուն մէջ, հետզհետէ չգործածելով Ցեղասպանութիւն հաստատումը:
Ինչպէ՞ս եւ ինչո՞ւ պէտք է յատուկ կարեւորութիւն ընծայել, ի յիշատակ Էլի Վիզըլի կատարուած այս ձեռնարկին, Փաուըրի նոյնքան ազդեցիկ (powerful) եւ կտրուկ յայտարարութեան:
Այս կատարուած հաստատումը պաշտօնական բնոյթ ունի եւ անձնական կարծիք չէ, այսինքն տարիներ շարունակ ցեղասպանութիւններ լուսարձակի տակ առնող եւ ի նպաստ պայքար մղող Սամանթա Փաուըրը չէր որ կ՛արտայայտուէր, այլ այս խօսքն ու հաստատումը կը պատկանէր աստղազարդ ծածանող դրօշի՝ Star-Spangled Banner (անգամ մը եւս համաշխարհայնացած Շէյքսփիրեան լեզուին զոհը դառնալով) երկրին եւ Սպիտակ Տան:
Հաւանաբար, նորընտիր նախագահ Թրամփի փոխանցման օրերուն, եւ բնականաբար իր Միացեալ Ազգերու Կազմակերպութեան մօտ, Միացեալ Նահանգներու դեսպանութեան պաշտօնի աւարտի սեմին, Սամանթա Փաուըր որոշած էր վերադառնալ իր արմատներուն, արդարութեան ու մարդկային իրաւունքներու համար պայքարող գաղափարներուն…պարզ ու մեկին՝ իր խղճին:
Թէ ի՞նչ պիտի ըլլար Սպիտակ Տան իր վերակացուին ազդեցութիւնը, այս ազդեցիկ յայտարարութեան հանդէպ: Հաւանաբար նորընտիր վերակացուն է որ կը հետապնդէ այս «դժոխքէն ճողոպրած թնճուկ»ին թղթածրարը, մանաւանդ որ բնականաբար Անգարայի Սուլթանամէտ ղեկավար Էրտողանի բողոքները պիտի բազմանան:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles