Սահմանային Մտահոգիչ Դէպքեր Երասխի Մէջ  

0 0
Read Time:1 Minute, 3 Second

ԵՐԵՒԱՆ.- Շաբաթասկիզբէն ի վեր, ատրպէյճանական բանակը հետեւողական ձեւով կը կրակէ Հայաստանի ուղղութեամբ:  Այս անգամ կիզակէտը Նախիջեւանի սահմանին մօտ գտնուող Երասխի հատուածն է:

Ատրպէյճանական ստորաբաժանումները կրակ բացին Երասխի հատուածին մէջ տեղակայուած հայկական դիրքերուն ուղղութեամբ, որուն պատճառով ծաւալեցան բախումները:

Երասխ գիւղի վարչական շրջանի ղեկավար Ռադիկ Ռաֆիկ Օղիկեան, որ կը գտնուէր պաշտպանութեան նախարարութեան զօրամասներէն պահպանութեան տեղամասի մարտական դիրքին մէջ, այս ընդհարումներու արդիւնք վիրաւորուեցաւ։

Ըստ աղբիւրին, Հայաստանի պաշտպանութեան նախարարութիւնը խստիւ դատապատեց ատրպէյճանական կողմի սադրանքը եւ կը նախազգուշացուց, որ նման որեւէ գործողութիւն կրնայ արժանանայ հայկական կողմի կարծր արձագանգին:

Կրակոցներ արձակուեցան նաեւ Սիւնիքի Տեղ համայնքին, ինչպէս նաեւ՝ Սոթքի եւ Կութի ուղղութեամբ։

Հայաստանի մէջ Միացեալ Նահանգներու եւ Ֆրանսայի դեսպանատուները մտահոգութիւն յայտնեցին Հայաստանի եւ Ատրպէյճանի սահմանին արձանագրուած միջադէպերով, յատկապէս` Երասխ-Սադարակ հատուածի վերջին դէպքերով:

«Երբ Երասխը չի կրնար քնանալ, Երեւանը նոյնպէս արթուն կը մնայ», ըսաւ Հայաստանի մօտ Ֆրանսայի դեսպան Ճոնաթան Լաքոթ:

Իսկ, Միացեալ Նահանգներու դեսպանատունը յայտարարութիւն մը հրատարակեց, յայտնելով. – «Մենք երկու կողմերուն կոչ կ՛ուղղենք՝ արագ եւ խաղաղ կերպով մեղմացնելու լարուածութիւնը եւ առարկայական բանակցութիւններու վերսկսման տիրոյթ ստեղծելու», կ՛ըսուի:

Միւս կողմէն, Հայաստանի պաշտպանութեան նախարարութենէն յայտնեցին, որ նախարարի պաշտօնակատար Վաղարշակ Յարութիւնեան հրաժարած է:Ան այս պաշտօնը կը վարէր Նոյեմբեր  20, 2020-էն ի վեր։  Պատճառները եւ այլ մանրամասնութիւններ չհաղորդուեցան:

Հրաժարականի դիմում գրեց նաեւ Հայաստանի զինուած ուժերու ընդհանուր հրամանատարութեան պետի առաջին տեղակալ Արշակ Կարապետեան, որ պիտի նշանակուի պաշտպանութեան նախարար:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles