Պոլսոյ Սուրբ Խաչ Դպրեվանքի Պատերուն Վրայ՝ Հակահայ Գրութիւններ

0 0
Read Time:43 Second

Bolis

ՊՈԼԻՍ («Մարմարա»).- Սուրբ Խաչ դպրեվանքի խնամակալութեան ատենապետ տոքթ. Թորոս Ալճանի ստորագրութեամբ հաղորդագրութիւն մը կը տեղեկացնէ, թէ դպրեվանքի պատերուն վրայ անծանօթներ ցեղապաշտական եւ սպառնական բնոյթով նախադասութիւններ գրած են։
Պատին վրայ գրուած է. «Ձեզի բերած ենք Քիւրշաթ թագաւորի ատելութիւնը» (Քիւրշաթ թուրք հերոսի մը անունն է): Աղբիւրը նկատել կու տայ, որ գրութեան հեղինակները կը ներկայանան որպէս Ապտուլլահ Չաթլիի հետեւորդները:
Ալճան կը հաղորդէ, թէ այս հարցով ներկայիս մօտէն կը հետաքրքրուին Պոլսոյ երեսփոխան Մարգար Եսայեանն ու Սկիւտարի ապահովութեան տնօրէն Կիւրհան Քայան, աւելցնելով թէ, այս հաղորդագրութիւնը Թուրքիոյ հանրապետութեան ուշադրութեան կը յանձնէ այս պատահարը:
«Այսպիսի արարքներ ու ասոնց նմանները բացայայտօրէն ատելութեան յանցագործութիւն են, բայց դժբախտաբար, փոքրամասնական համայնքները պարբերաբար ենթակայ կը դառնան նմանօրինակ յարձակումներու։ Այս օրերուն, երբ երկրի միութեան ու միասնութեան համար Թուրքիոյ բոլոր միաւորները ձեռք ձեռքի տուած են, կը յուսանք, որ այս գրգռութեան յանցագործները շուտով կը բռնուին ու դատարան կը յանձնուին։ Խստիւ կը պախարակենք այս յանցագործութեան հեղինակները», ըսուած է հաղորդագրութեան մէջ։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles