ՈՒՐՈՒԿՈՒԱՅԻ ՓՈԽՆԱԽԱԳԱՀԸ ԿԸ ՇԵՇՏԷ ԹԷ ՀԱՅՈՑ ՑԵՂԱՍՊԱՆՈՒԹԻՒՆԸ ԵՐԲԵՔ ՊԻՏԻ ՉՄՈՌՑՈՒԻ

0 0
Read Time:1 Minute, 11 Second

p3 Astori ԵՐԵՒԱՆ.- Դեկտեմբեր 5-ին, պաշտօնական պատուիրակութեան մը հետ, Հայաստան ժամանեց Ուրուկուայի փոխնախագահ, Ծերակոյտի նախագահ Տանիլօ Ասթորի:

Ուրուկուայը Հայոց Ցեղասպանութիւնը ճանչցող առաջին պետութիւնն է, իսկ ցայսօր, Ասթորի՝ Հայաստան այցելող ուրուկուայցի ամէնաբարձրաստիճան պաշտօնատարն է:
Պատուիրակութիւնը տեսակցեցաւ Հայաստանի Ազգային ժողովի նախագահ Գալուստ Սահակեանի հետ:
Ազգային ժողովի մամլոյ ծառայութիւնը կը տեղեկացնէ թէ, հանդիպումին ընթացքին Սահակեան կարեւոր նկատեց Հայաստան – Ուրուկուայ գործակցութեան մակարդակը, ինչպէս նաեւ բարձր գնահատեց, մայրաքաղաք Մոնթեվիտէոյի մէջ Ցեղասպանութեան թանգարան հիմնելու որոշումը:

Ասթորի ըսաւ, որ այս այցելութիւնը լաւ առիթ է Ուրուկուայի եւ Հայաստանի միջեւ յարաբերութիւնները խորացնելու համար: Անդրադառնալով Արցախի տագնապին մասին` ան շեշտեց, որ Ուրուկուայ շարունակ պիտի գործակցի ԵԱՀԿ-ի Մինսքի խմբակին, որպէսզի հիմնախնդիրին խաղաղ լուծում տրուի:
Գալուստ Սահակեան իր կարգին անդրադարձաւ Արցախի հիմնահարցին շուտափոյթ եւ խաղաղ միջոցով լուծման մասին: Ան նշեց թէ,Հայաստան կրնայ ակնկալել Ուրուկուայի աջակցութիւնը Ատրպէյճանի կողմէ իրականացուող հակահայկական լայնածաւալ գործունէութեան հակազդելու բնագաւառէն ներս:

Պատասխանելով այն հարցումին, թէ կարելիութիւն գոյութիւն ունի՞, որ ինչպէս Հայոց ցեղասպանութեան ճանաչման հարցին վերաբերեալ, նոյնպէս ալ Արցախի Հանրապետութեան` Ուրուկուէյը ըլլայ առաջին պետութիւնը, որ կը ճանչնայ Ղարաբաղը, Ասթորի ըսաւ. «Իմ երկիրս այդ ուղղութեամբ կ՛աշխատի, մեր երկրին կառավարութիւնը կ՛ուզէ լաւ յարաբերութիւններ հաստատել այն երկիրներուն հետ, որոնք ներգրաւուած են Արցախի տագնապի խաղաղ լուծման հարցին մէջ»:
Նշենք թէ, նախքան Հայաստռան ժամանելը, Ուրուկուայի Հայ դատի յանձնախումբի ներկայացուցիչին հետ` Հայաստան կատարելիք պաշտօնական այցելութեան նպատակներուն մասին արտայայտուելոեվ, յայտնած էր թէ.- «Հայոց Ցեղասպանութիւնը յաւերժ պիտի ապրի մեր յիշողութեան մէջ: Չկայ պատմութիւն կամ ապագայ` առանց յիշողութեան: Յոյսով եմ, որ իմ ուղեւորութիւնս պիտի օգնէ աւելի ամրապնդելու ընկերական յարաբերութիւնները հրաշալի երկիր Հայաստանի հետ»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles