Ուաշինկթըն.- Ատրպէյճանի Դեսպանատան Դիմաց՝ Բողոք Եւ Ցոյց

0 0
Read Time:1 Minute, 28 Second

062815_DCDemo_photo5

ՈՒԱՇԻՆԿԹԸՆ.- Կիրակի, Յունիս 28-ին Ատրպէյճանի դեսպանատան դիմաց կատարուեցաւ ցոյց,դատապարտելու համար, վերջերս Նախիջեւանի սահմանին մօտ կատարուած ազերի բանակին յարձակումները:062815_DCDemo_photo2062815_DCDemo_photo3
Այս ոտնձգութեան արդիւնք, զոհուած էր հայրենի բանակին ծառայող Արման Եփրեմեան:
Ցոյցը կազմակերպուած էր տեղւոյն Հ.Յ.Դ. «Սեպուհ» Կոմիտէութեան եւ Հ.Ե.Դ.-ի «Անի» մասնաճիւղին կողմէ:
«Մենք հաւաքուած ենք Ատրպէյճանի դեսպանատան առջեւ, տեղւոյն բռնապետ Իլհամ Ալիեւի կատարած յարձակումներուն դէմ բողոքելու: Յստակ է թէ այս յարձակողական դիրքը ի վնաս Կովկասի տարածաշրջանի խաղաղութեան համար է: 062815_DCDemo_photo1062815_DCDemo_photo4Ատրպէյճան իր ոտնձգութիւնները կը շարունակէ կատարել թէ՛ Արցախի եւ թէ՛ Նախիջեւանի սահմանններուն մօտ», յայտնեց ցոյցին մասնակցող Արամ Սարաֆեան, աւելցնելով թէ ԵԱՀԿ-ի Մինսքի խմբակի անդամները տեղին է, որ հետեւին դէպքերու իրադարձութեան:
Ան նաեւ շեշտեց թէ, աշխարհը պէտք է նկատէ թէ Պաքուի մէջ Եւրոպայկան անդրանիկ Ողիմպիականը կազմակերպելով, Ատրպէյճան կը փորձէ ծածկել շրջանէն ներս ապահովական կացութիւնը խախտելու իր գործընթացը:Նշենք թէ, Հայ Դատի յանձնախումբը կոչ ուղղած է Սպիտակ Տան, խախտելու Ատրպէյճանի իշխանութիւններու նախայարձակումին նկատմամբ լռութիւնը:
«Հայաստանի եւ Արցախի տարածքը ազրպէյճանական հողեր անուանելով` ատելութիւն սերմանող ելոյթով հանդէս գալէ ետք, 24 ժամուան ընթացքին Ազրպէյճանի նախագահ Իլհամ Ալիեւի զինեալ ուժերը Նախիջեւանէն յարձակում գործեցին Հայաստանի դէմ, որուն հետեւանքով սպաննուեցաւ հայ զինուոր Արման Մայիսի Եփրեմեանը: Միացեալ Նահանգներու իշխանութիւնները պէտք է քննադատեն կա՛մ Ալիեւի խօսքերը, կա՛մ ալ հայ զինուորի սպանութիւնը: Այս անամօթ քայլը տեղի ունեցած է Պաքու-2015 խաղերու աւարտին` միլիառաւոր տոլարներ արժած նախաձեռնութիւն, որ միջազգային քննադատութեան ալիք բարձրացուց միջազգային հասարակական կազմակերպութիւններու, մարդու իրաւունքներու պաշտպանութեամբ զբաղող խումբերու, այլախոհերու եւ լրատուամիջոցներու նկատմամբ աճող նախայարձակ բռնաճնշումներու լոյսին տակ», կը տեղեակցնէ հաղորդագրութիւնը:
«Փաստերը այստեղ յստակ են` այնպէս, ինչպէս կործանարար վարքագիծը, որ կարելի կը դարձնէ Օպամայի վարչակազմը` հրաժարելով դիմակայել նախագահ Ալիեւի նախայարձակումը», ըսած է Հայ Դատի յանձնախումբի տնօրէն Արամ Համբարեան:
Ըստ անոր, միջազգային ընտանիքին լռութեան պատճառով Ատրպէյճան կատարեց իր սպառնալիքը` սպաննելով Արման Եփրեմեանը, եւ այսօր ան քաջալերուած է աճող նախայարձակումին վերաբերեալ Միացեալ Նահանգներու եւ ԵԱՀԿ-ի գործընկերներուն լռութենէն:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

One thought on “Ուաշինկթըն.- Ատրպէյճանի Դեսպանատան Դիմաց՝ Բողոք Եւ Ցոյց

  1. Please be advised Hitler’s 1936 Olympics were held in Berlin not in
    Munich

Leave a Reply

Your email address will not be published.

Social profiles