0
0
ՊՈՍԹԸՆ.- Նոյեմբեր 23-ին, կարճ հիւանդութենէ ետք, իր մահկանացուն կնքեց Ռամկավար Ազատական Կուսակցութեան հանրածանօթ խմբագիրներէն՝ Դոկտ. Նուպար Պէրպէրեանը (ծնած՝ Գահիրէ, Սեպտեմբեր 25, 1922-ին):
Պէրպէրեան ստանձնած է վարիչ քարտուղարութիւնը՝ Ռամկավար Ազատական Կուսակցութեան Կեդրոնական Վարչութեան,ապա 1947ին ստանձնած է Փարիզի «Ապագայ» երկլեզու(հայերէն ու ֆրանսերէն) շաբաթաթերթին, 1948-1958` Գահիրէի «Արեւ« օրաթերթին, 1958-1960` Ֆրեզնոյի «Նոր Օր» եռօրեային եւ 1961-1982` Պոսթընի «Պայքար» օրաթերթին խմբագրապետի պատասխանատու պաշտօնները։ 1960-1961` վարած է Ռամկավար Ազատական Կուսակցութեան Ամերիկայի եւ Գանատայի Շրջանակի Շրջանային Վարչութեան վարիչ քարտուղարութիւնը։ 1982էն ի վեր, հակառակ հանգստեան կոչուելուն, ան կը շարունակէր իր աշխատակցիլ:
Դոկտ. Նուպար Պէրպէրեանի թաղման արարողութիւնը կատարուեցաւ, Շաբաթ Նոյեմբեր 26-ին, Ուաթըրթաունի (Մասաչուսէց) Հայաստանեայց Առաքելական Սուրբ Յակոբ եկեղեցւոյ մէջ:
