ՇԻՔԱԿՕ .- ԱՐԵՒԵԼԵԱՆ Ա.Մ.Ն.-Ի ՀԱՄԱԶԳԱՅԻՆԻ 38-ՐԴ ՇՐՋԱՆԱՅԻՆ ԺՈՂՈՎ

0 0
Read Time:2 Minute, 28 Second

hamazkayn 1hamazkayn2  Լուսանկարներ՝ Մարալ Սօսիի

Արեւելեան Ա.Մ.Ն.-ի Համազգայինի 38-րդ Շրջանային Ժողովը տեղի ունեցաւ Շիքակոյի Կլենվիու շրջանի Հայ Կեդրոնին մէջ, Մայիս 3-ին, մասնակցութեամբ մասնաճիւղերու ներկայացուցիչներուն եւ հիւրաբար հրաւիրուած ներկաներու: Բանաւոր պատճառներով, բացակայ էին Ֆիլատելֆիոյ եւ Փրովիտէնսի ներկա-յացուցիչները: Մնացեալ մասնաճիւղերը՝ Տիթրոյթ, Ուաշինկթըն, Նիւ Եորք, Նիւ Ճըրզի, Պոսթըն եւ հիւրընկալ Շիքակօ ներկայ էին իրենց ներկայացուցիչներով: Կեդրոնական Վարչութիւնը կը ներկայացնէր Վիգէն Եագուպեան: Շրջանի Կեդրոնական Կոմիտէն կը ներկայացնէր Յարութիւն Մսըրլեան, Հայ Օգնութեան Միութիւնը՝ Սիլվա Պետեան, իսկ շրջանի կոմիտէութիւնը՝ Կրէկ Պետեան: Ժողովի ընթացքին քննուեցան կատարուած աշխատանքներ: Քննուեցան նիւ-թաբարոյական տեղեկագրերը: Օրուան ժողովավարն էր Յովսէփ Աւագեան, իր կողքին ունենալով քարտուղար Արծրուն Օհանեան: Յիշատակելի էր, որ անցեալ տարեշրջանին, ընտրուած Շրջանային Վարչութիւնը կրցած էր կատարել, այդ ալ հայկական գիտելիքների մրցոյթն էր, որ մեծ յաջողութեամբ պսակուեցաւ: hamazkayin 3Այս մրցոյթին հիմնական նպատակն էր երիտասարդութեան մօտ ստեղծել ուսուցողական միջավայր՝ Հայ մշակոյթին եւ պատմութեան ծանօթանալու նպատակով: Այլ միութիւններու “Ողիմպիականներ“ու նման, հնարաւորութիւն ստեղծել, որպէսզի երիտասարդները/պատանիները զուարճանան, իրար հանդիպին, կիսեն իրենց հետաքրքրութիւնները ու “Համազգայինի“ն հարազատ արժէքնե-րուն ծանօթանան: Առ այդ, ձեռք բերուեցան հարցումներ, որոնք օգտագործուած էին մեծ տարածում վայելող “Jeopardy“-ի նմանող մրցախաղին համար: Այնուհետեւ, Շրջանային Վարչութեան երիտասարդ ընկերներ՝ Ալին Պաղտասարեան եւ Տիգրան Գազանճեան երեք հարիւրէ աւելի հարցումներ թարգմանեցին անգլերէնի: Նաեւ, Արեւիկ Գաբրիէլեան երկու լեզուներով հարցումները խմբագրեց եւ ուղղումներ կատա-րեց, իսկ Արա Գաբրիէլեանը ուղղագրութիւնը փոխեց Մեսրոպեանի: Շրջանայինի անդամները մասնակցած են բազմաթիւ ժողովներու, ձեռնարկներու եւ առհասարակ “Համազգային“ը ներկայացուցած են հայ համայնքի լայն շրջաններէն ներս, ինչպէս նաեւ քոյր կազմակերպութիւններու առջեւ: Կարելի եղած է մասնակցիլ Պոսթընի մէջ գումարուած Արեւելեան շրջանի բոլոր կազմակերպութիւններու ժողովին: Համագործակցական ծրագրեր եւ ժամանակացոյց մշակուեցան եւ կազմակերպութիւնները ներկայացուցին իրենց նախաձեռնութիւնները, ինչպէս նաեւ նուաճումներն ու դժուարութիւնները: Նաեւ, կարելի եղաւ մասնակցիլ Արցախի անկախացման տարեդարձի առթիւ, քոնկրէսէն ներս կայացած յատուկ միջոցառումներու, որուն ներկայ էր Արցախի Մշակոյթի նախարար Նարինէ Աղապալեանը: Ներկայացուցիչ Տիգրան Գազանճ-եան քննարկեց Ամերիկայի ու Արցախի մշակութային նիւթերն ու Համազգայինի հետ յետագայ կապեր հաստատելու հնարաւորութիւնը: Շրջանային Վարչութիւնը խորհրդակցութիւն ունեցաւ Հ.Հ.-ի մօտ Մ.Ա.Կ.-ի դեսպան Պրն. Կարէն Նազարեանի հետ: Քննարկուեցան հնարաւոր համագործակցական ծրագրեր: Նմանօրինակ հանդիպում կատարուեցաւ Ազգային Առաջնորդարանէն ներս, Բարեջան Առաջնորդ Օշական Արք. Չօլոյեանի հետ:hamazkayin 4 Հայաստանի անկախութեան տարեդարձի առթիւ, “Համազգային“ բերաւ իր մասնակցութիւնը, կազմակերպուած Հ.Հ. Ուաշինկթընի դեսպանատան եւ տեղւոյն մասնաճիւղին կողմէ: Ձեռնարկին ելոյթ ունեցաւ հայրենի վաստակաւոր ասմունքող Սիլվա Եուզպաշեանը: Ի մասնակցութեամբ: Նաեւ, բազմիցս մասնակցութիւն բերուեցաւ Սօս Սարգսեանի նուիրուած յուշ-երեկոներու, կազմակերպուած Նիւ Եորքի, Նիւ Ճըրզիի եւ Ուաշինկթընի մասնաճիւղերուն կողմէ: Հայոց Ցեղասպանութեան հարիւրամեակին նուիրուած ծրագրերու մասին մանրամասն քննարկումներ կատարուեցան: Նաեւ կատարուեցան զանազան առաջարկներ: Շրջանային Վարչութեան անդամ ընտրուեցան.- Տիգրան Գազանճեան (Ուաշինկթըն – Ատենապետ), Արեւիկ Գաբրիէլեան (Նիւ Եորք – Փոխ-Ատենապետուհի), Արաքսի Խաչիկեան (Ուաշինկթըն – Գանձապահ ), Քարի Ղազարեան (Ֆիլատելֆիա – Ատենադպիր), Խաչիկ Տաքարեան (Շիքակօ – Խորհրդական), Յովսէփ Աւագեան (Ուաշինկթըն – Խորհրդական), եւ Մարթին Յարութիւնեան (Պոսթըն – Խորհրդական):

Իսկ, Երեւանի մէջ գումարուելիք 7-րդ պատգամաւոՙրական ժողովին ներկայացուցիչներ ընտրուեցան՝ Զարմայր Սեդրաքեան եւ  Յովսէփ Աւագեան։   Նշենք թէ, այս առթիւ յաջորդաբար չորրորդ անգամ ըլլալով կատարուեցաւ համախմբումը, որուն ընթացքին յանձնուեցան մրցանակներ, կատարուեցաւ ճաշկերոյթ ընթրիք եւ համերգ, գեղարուեստական յայտագրի մասնակցութեամբ: “Մինաս եւ Գոհար Թէօլէօլեան“ գրական մրցանակին տիրացան Այտա Զիլելեան-Սիլաք եւ Արթօ Վօն (Փայասլեան), իրենց “The Legacy of Lost Things“ եւ “Isinglass“ գործերուն համար: Իսկ յատուկ յուշանուէր մը ստացաւ հիւրընկալ մասնաճիւղի ատենապետ Յարութիւն Միքայէլեան

Թղթակից

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles