0
0
ՌՈՊԵՐԹ ԿԱՐԱՊԵՏԵԱՆ
Լուսանկարները` հեղինակի
«Գիտական Մտքերի Հանդիպում» խորագրով իւրաքանչիւր տարի Սրբոց Նահատակաց Ազգային վարժարանում անց ենք կացնում «Գիտական Շաբաթ», որին մասնակցում են 10-12 տարեկան աշակերտները:
«Այն կազմակերպում ենք , որպէսզի մեր երեխաների երեւակայութիւնն ու միտքը աւելի զարգացնենք գիտական աշխարհի վերաբերեալ: Նրանք սովորանում եւ ուսումնասիրում են անցեալ եւ ներկայ գիտնականների մասին: 
Մենք քաջալերում ենք մեր բոլոր աշակերտներին, որպէսզի սովորեն եւ ուսումանասիրեն, մտածեն նաեւ հետաքրքիր եւ ուսանելի փորձեր կատարեն, որոնք կրնան արժանանալ մասնագէտների ուշադրութեանը: Ամէն մէկ աշակերտ ունի իր արտօնագիրը, որի համար իւրաքանչիւրը կարող է կեդրոնանալ եւ բացատրել իր գիւտի եւ նրա նշանակութեան մասին: Եւ պատահական չէ , որ իրենց անուանել ենք Սրբոց Նահատակաց Վարժարանի փոքրիկ գիտնականները», ասաց վարժարանի տնօրէնուհի Զարմինէ Պօղոսեանը:
Գիտական շաբաթին իրենց մասնակցութիւնն էին բերել ամերիկահայ ճարտարապետների եւ գիտնականների ընկերութեան ճանաչուած անդամներ` Յովհաննէս Մարտիրոսեանը, Արամ Սէթեանը, Դաւիթ Միքայէլեանը եւ նուիրատու` Վահան Թանալը:
Իւրաքանչիւր լաւագոյն գիտափորձի համար սահմանուած էր դրամական պարգեւ: 
Պրիաննա Թահմիզեանը արժանացաւ առաջին կարգի մրցանակի` հարիւր տոլար, Քարոլայնա Կէօքճեանը եւ Դաւիթ Յոհաննիսեանը ` յիսունական տոլար: Այնուհետեւ դատական մարմնի անդամները գիտական շաբաթի մասնակիցներին պարգեւատրեցին հաստատագրերով եւ գովասանագրերով: Գիտական շաբաթին մասնակցեց նաեւ երիտասարդ ճարտարագէտ` Յակոբ Պչաքճեանը, որը հետաքրքրական փորձեր կատարեց աշակերտների համար:
