ՆԻՒ ԵՈՐՔ․- ՆԵՐԿԱՅԱՑՈՒՄ՝ ԴՈԿՏ. ՎԱՐԴԱՆ ՄԱՏԹԷՈՍԵԱՆԻ ԳԻՐՔԻՆ

0 0
Read Time:1 Minute, 30 Second

 

ՆԻՒ ԵՈՐՔ․- Չորեքշաբթի, Դեկտեմբեր 8-ի երեկոյեան, Ազգային Առաջնորդարանի հովանաւորութեամբ տեղի ունեցաւ պատմաբան ու գրականագէտ Վարդան Մատթէոսեանի «Հայոց ցեղասպանութիւնը անուանելու քաղաքականութիւնը. լեզու, պատմութիւն եւ “Մեծ Եղեռն”» անգլերէն հատորին ներկայացումը։ Այս գիրքի ներկայացումը առաջին հրապարակային ձեռնարկն էր Առաջնորդարանին մէջ՝ Մարտ 2020-ին համավարակի սկզբնաւորութենէն ի վեր։

Իրաւաբան Անահիտ Ուղուրլայեան կատարեց բացման խօսքը եւ ներկայացուց հեղինակը։ Ազգային Առաջնորդարանի դիւանապետ՝ Դոկտ. Մատթէոսեան, սահիկներու օժանդակութեամբ բացատրեց գիրքին տարբեր գլուխներուն բովանդակութիւնը։

Ան լեզուական օրինակներով ցոյց տուաւ Մեծ Եղեռն անուան ստուգաբանութիւնն ու իմաստային զարգացումը՝ 5րդ դարէն մինչեւ մեր օրերը, եւ անդրադարձաւ անուան քաղաքական շահագործման, որ տեղի ունեցած է վերջին քսանամեակին, յիշելով Յովհաննէս Պօղոս Պապի այցելութիւնը Հայաստան, 2008-ի թրքական ներողութեան արշաւը, ամերիկեան վերջին նախագահներու պարագաները, կատարելով ուշագրաւ վերլուծումներ եւ դիտողութիւններ։ Դասախօսութեան վերջաւորութեան, դոկտ. Մատթէոսեան պատասխանեց ներկաներու հարցումներուն։
Հարց ու պատասխանի բաժինէն ետք, Մանհաթանվիլ գոլէճի քրիստոնէական փիլիսոփայութեան դասախօս՝ փրոֆ. Շըպան Նաշ-Մարշալ՝եւ Հայոց Ցեղասպանութեան նուիրուած հատորի մը հեղինակ, իր տպաւորութիւնները բաժնեց ներկաներուն հետ։ Ան ողջունեց գիրքը, որ կը նպաստէ հասկնալու «ինչի մասին կը խօսինք» եւ իբրեւ «ճշմարտագոյն ձեւը՝ պատմութեան շահագործումն ու ժխտումը գտնելու համար, որովհետեւ կասկած չկայ, որ Մեծ Եղեռնը տեղի ունեցաւ»։


Ձախէն աջ՝ Փրոֆ. Շըպան Նաշ-Մարշալ, Անուշաւան Արքեպիսկոպոս, դոկտ. Վարդան Մատթէոսեան, Անահիտ Ուղուրլայեան եւ Տ. Մեսրոպ Քհն. Լագիսեան

Իր փակման խօսքին մէջ, Անուշաւան Արքեպիսկոպոս ըսաւ, թէ անկախաբար այն փաստէն, թէ Մեծ Եղեռն կամ Ցեղասպանութիւն կը գործածենք, կը խօսինք մեր ամբողջ ազգը բնաջնջելու դիտաւորեալ ոճիրին մասին եւ պէտք է արդարութեան ու ճշմարտութեան հետապնդումը շարունակենք, ո՛չ միայն հայերու, այլ բոլորի համար։ Առաջնորդ Սրբազան Հայրը շնորհակալութիւն յայտնեց դոկտ. Մատթէոսեանին «անգամ մը եւս ձեր պատմութեան հաւատարիմ ըլլալու եւ այս հատորը հանրութեան հրամցնելու համար»։

Այնուհետեւ, տեղի ունեցաւ հիւրասիրութիւն եւ գիրքերու մակագրութիւն։ Գիրքը կարելի է ապսպրել Առաջնորդարանի գրախանութէն (armenianprelacy.org/shop), կամ դիմելով գրախանութին՝ ելեկտրոնային նամակով (books@armenianprelacy.org) կամ հեռաձայնելով 212-689-7810 թիւին։

 

 

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Court of justice Previous post Լա Հէյի Ատեանի Որոշումը Եւ Երեւանէն Հնչող Ձայներ…
Next post ԱՆՈՒՇԱՒԱՆ ԱՐՔ. ԴԱՆԻԷԼԵԱՆԻ ԱՅՑԵԼՈՒԹԻՒՆԸ՝ ԿՐԱՆԻԹ ՍԻԹԻ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles