Ներկայացուցիչներու Տան Արտաքին Յարաբերութիւններու Յանձնախումբը Կը Պահանջէ Հայ Գերիները Ազատ Արձակել Եւ Արցախահայութեան Վերադարձը Ապահովել
ՈՒԱՇԻՆԿԹԸՆ.- Ամերիկայի Հայ Դատի յանձնախումբը կը տեղեկացնէ, թէ Հինգշաբթի, Օգոստոս 18-ին, Ներկայացուցիչներու տան Արտաքին յարաբերութիւններու յանձնախումբը վաւերացուց Պաքուի մէջ անօրէն կերպով պահուող հայ գերիները ազատ արձակել. Արցախի մշակութային ժառանգութիւնը պահպանել, ինչպէս նաեւ արցախահայութեան երաշխաւորուած վերադարձը ապահել պահանջող յաւելուածները՝ 2026ի տարեշրջանի արտաքին գործոց նախարարութեան ամավարկի բանաձեւին մէջ։
Ամերիկայի Հայ Դատի յանձնախումբի գործադիր վարիչ Արամ Համբարեան կը յայտնէ, թէ հակառակ Արցախի հայութիւնը եւ հայ գերիները մոռնալու նպատակով որոշ շրջանակներու տարած ջանքերուն, Ներկայացուցիչներու տան Արտաքին յարաբերութիւններու յանձնախումբը իր այս քայլով ցոյց տուաւ, թէ կը պաշտպանէ հայ գերիներուն ազատ արձակելը, ինչպէս նաեւ կենսական կը համարէ Արցախի կրօնական ժառանգութիւնը պահպանելը եւ արցախահայութեան վերադարձի իրաւունքին յարգելը։
Յաւելուածները ներկայացուցին քոնկրէսականներ Կէյպ Ամօ, Պրէտ Շըրմըն եւ Տինէ Թայթըս։
