0
0
ՖԻԼԱՏԵԼՖԻԱ․- Արեւելեան Ա․Մ․Ն․-ի Հայ Դատի մեծարանքի 15-րդ հանդիսութեան հանդիսավար պիտի ըլլայ Միշիկընի ներկայացուցիչ Մարի Մանուկեան։ Ձեռնարկը տեղի պիտի ունենայ Շաբաթ, Հոկտեմբեր 23-ին, Ֆիլատելֆիոյ Loews պանդոկին մէջ։
28 տարեկան Մարի Մանուկեան (ծնած՝ Պըրմինկհէմ, Մասաչուսէց) կը նկատուի ապագայ խոստացող երիտասարդ դեմոկրատականներէն։ Ան տաս տարի այցելած է Հ․Օ․Մ․-ի հայերէն լեզուի «Զաւարեան» դպրոցը, նաեւ եղած է գործօն՝ շրջանի Հայ Երիտասարդաց Դաշնակցութեան շարքերուն մէջ։
«Մեզի համար մեծ պատիւ է, Որ ներկայացուցիչ Մարի Մանուկեան պիտի ըլլայ այս տարուայ Հայ Դատի մեծարանքի ձեռնարկին հանդիսավարը։ Անհամբեր կը սպասենք, որ նշենք այս մեծարանքի երեկոն», յայտնեց այս տարուայ կազմակերպիչ յանձնախումբի ներկայացուցիչ Անթընի Տիզը։
Նշենք, թէ Փետրուար 25-ին առցանց դրութեամբ տեղի ունեցաւ Ա.Մ.Ն. Արեւելեան շրջանի Հայ Դատի յանձնախումբի կազմակերպած մեծարանքի 14-րդ հանդիսութիւնը, որ նախատեսուած էր կատարել Հոկտեմբեր 2020-ին Ֆիլատելֆիոյ մէջ:
