ՄԱՍԱՉՈՒՍԷՑ․- ՈՒԱԹԸՐԹԱՈՒՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ 65-ԱՄԵԱԿ 

0 0
Read Time:58 Second

 

ՈՒԱԹԸՐԹԱՈՒՆ․- Կիրակի, Դեկտեմբեր 18-ին, Սուրբ Ստեփանոս Եկեղեցւոյ համայնքը, հանդիսաւոր տօնակատարութեամբ նշեց իր 65-ամեակը։ Պատարագեց ու քարոզեց Ա․Մ․Ն․ Արեւելեան Թեմի բարեջան Առաջնորդ՝ Գերշ. Տ. Անուշաւան Արքեպիսկոպոս Դանիէլեանը։

Յաւարտ Սուրբ Պատարագին, եկեղեցւոյ սրահը կը յորդէր աւելի քան 200 ծխականներու ներկայութեամբ։ Կիրակնօրեայ վարժարանի աշակերտներու կողմէ գործադրուած յայտագրով, Կաղանդ Պապան եկաւ իր մոգական ներկայութեամբ առաւել եւս խանդավառութիւն ստեղծել մանուկներու սրտերուն մէջ։ Եկեղեցւոյ հոգեւոր հովիւ՝ Արժպ. Տ. Անդրանիկ Ա․ Քհն․ Պալճեան, մրցանակներ բաշխեց Կիրակնօրեայ վարժարանի չորս աշակերտներու, որոնք հանդիսացած էին տարուան լաւագոյն աշակերտները՝ Մէրի Աշպահեան, Քրիսթիան Մանճիկեան, Մայքըլ Նահաճեան եւ Քէյթի Նաճարեան։ Այնուհետեւ, Ազգային Առաջնորդարանի գնահատագրեր տրուեցան Թամար Գանարեանի, Սիլվա Պահլաւունիի, Մայքըլ Կիւզէլեանի, Սօսի Մկրտիչեանի եւ Ծատուր Ա. Սրկ. Պետոյեանի, որոնք իրենց բազմամեայ ծառայութեամբ եկեղեցւոյ եւ գաղութի կեանքը բարգաւաճեցուցած էին։

Սրբազան Հայրը, շնորհաւորելէ ետք պատմական այս տարեդարձը, խօսեցաւ անցնող շաբաթ Անթիլիասի մէջ տեղի ունեցած Ազգային Ընդհանուր Ժողովին քննարկուած նիւթերէն՝ ընտանիքի եւ համագործակցութեան կենսական զոյգ հարցերու մասին։ Սրբազան Հայրը շեշտեց մեր պարտականութիւնը՝ մեր ժողովուրդի ու հայրենիքի կողքին կանգնելու, մանաւանդ ճակատագրական այս օրերուն։

Առաջնորդ Սրբազան Հօր վերջին ամիսներու շրջագայութիւնը, Սրբալոյս Միւռոնի օրհնութիւնը տանելով ամէնուրեք, կը զուգադիպէր Սփիւռքի Տարուան հռչակագրին, վկայելով Արեւելեան Թեմի բոլոր ծուխերուն կենսունակութեան ու համավարակէն ետք վերաշխուժանալու ընթացքի վճռակամութեան մասին։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles