0
0
ՆիւԵորքի Հայ Օգնութեան Միութեան ,Մայրե Մասնաճիւղը տարիների ընթացքում, գեղեզիկ եւ գործունեայ մտայղացում է ունեցել անդամարշաւ կազմակերպել իր շրջանակը ընդլայնելու եւ յարատեւելու նպատակով:
Հայ ժողովրդի համար թէ’ հայրենիքի մէջ եւ թէ’ Սփիւռքում, միութիւնների եւ կազմակերպութիւնների կարեւորութիւնը, եւ նրանց կատարած աշխատանքը ողնաշարն է հանդիսացել Հայ Մշակոյթի Ազգապահպանման խնդրում:
Այն անձնաւորութիւնները, որոնք անդամակցում են որեւէ մէկ կազմակերպութեան, լաւ գիտակից են, որ գնալով նոսրանում է մեր կազմակերպչական շարքերը, վտանգի դնելով Հայ Ազգապահպանման գոյատեման հարցը:
Նկատի ունենալով այս կարեւոր իրողութիւնը, քանի տարի է որ Նիւ Եորքի Հայ Օգնութեան Միութեան ,Մայրե Մասնաճիւղը տարուայ ընթացքում կազմակերպում է անդամարշաւ նոր անդամներ ներգրաւելու համար:
2010 թ. անդամարշաւը տեղի ունեցաւ Մայիս 16-ին ընկերուհի Ալիս Քերէստէճեանի բնակարանի մէջ: Օրուայ հիւրասիրութեան ընկերուհիներից ոմանք սիրայօժար պատրաստել էին համեղ ուտելիքներ եւ անուշեղէններ հիւրասիրելու ներկաներին:
Մասնաճիւղիս ատենապետուհի ընկհ. Սօնիա Պզտիկեան բարի գալստեան խօսքերից յետոյ, համառօտ ներկայացրեց Հ.Օ.Մ.ի նպատակն ու տեղեկութիւն տուեց նրա ծառայութեան եւ կատարած աշխատանքների մասին թէ’ Հայաստանի եւ թէ° Սփիւռքի տարածքի մէջ: Նա յատկապէս շեշտեց թէ’ ի՞նչ է նշանակում Հ.Օ.Մ.ուհի լինելու իմաստը: ,Հ.Օ.Մ.ը նպատակ է, սէր է, ընտանիք է, սերտ ընկերակցութիւն է եւ հատուցում հաճոյարար օգնութեան ու զոհաբերութեան: Մի խօսքով Հ.Օ.Մ.ը ամէ°ն ինչ է մարդկային կեանքի մէջ: Աշխարհի որ ծայրում էլ ապրես, որեւէ ժամանակ երբ որեւէ մէկ Հ.Օ.Մ.ի ընկերուհիի ես հանդիպում, մօտիկութիւն, ու սերտ հարազատութիւն ես զգում, որովհետեւ անմիջապէս գիտակցում, ու կարողանում ես կարդալ նրա հոգու բառերն, որ մղում է մարդու դէպի հայ կնոջ սրբազան ուխտին՝ ծառայելու Հայ Ազգի կարիքաւորներինե:
Անդամարշաւին ներկայ էին 23 ընկերուհիներ. որոնցից ութը պաշտօնապէս անցան Հայ Օգնութեան Միութեան շարքերը: Նրանց երդման արարողութիւնը կատարեց Ընկհ. Ս. Պզտիկեանը:
Ուրախ մթնոլորտի մէջ ներկաները շնորհաւորեցին ուխտեալ նոր ընկերուհիներին:
Ցանկալի է որ մեր կազմակերպութիւններն եւս ընդառաջեն Հ.Օ.Մ.ի կատարած անդամարշաւի օրինակին, որպէսզի, անյապաղ փոխանցումը կատարուի գալիք սերունդներին, ու միութիւնների կեանքը յարատեւի ի՝ նպաստ Հայ Ազգի Մշակոյթի գոյատեւման:
ԱՐՄԻՆԷ ՄԻՆԱՍԵԱՆ
Նիւ Եորք
