Հ.Յ.Դ. Հայաստանի Երիտասարդական Միութեան Բանակում

0 0
Read Time:56 Second

p1 ARF panagoum
ԵՐԵՒԱՆ.- Օգոստոս 16-ին, Բիւրականի մէջ աւարտեցաւ Հ.Յ.Դ. Երիտասարդական Միութեան բանակումը: Իրենց մասնակցութիւնը բերին աւելի քան 250 երիտասարդներ՝ երկրի զանազան շրջաններէն:
Բանակումի մասնակիցները ներկայացուցած են իրենց սորված հնարքները, յաղթահարած արգելագօտիները՝ ցուցադրելով իրենց ֆիզիքական պատրաստուածութիւնը: Այնուհետեւ երիտասարդները ողջունած են աւագ դաշնակցականները:
Հ.Յ.Դ. Հայաստանի Երիտասարդական Միութեան Կեդրոնական մարմինի անդամ Հայկ Իգիթեան յայտնեց թէ Արցախեան պատերազմի տարիներէն Հ.Յ.Դ. Երիտասարդական Միութիւնը կը կազմակերպէր բանակումներ, որոնց նպատակն էր Հայաստանի տարբեր մարզերէն, Արցախէն եւ Ջաւախքէն երիտասարդներ ներգրաւելու ճամբով համահայկականութիւն ձեւաւորել:
Մասնակից երիտասարդները 16-25 տարեկան են, Դաշնակցութեան Երիտասարդական Միութեան համակիրներ են: Հիմնական նպատակը երիտասարդներու մօտ ազգայնականութեան, բայց ոչ ազգայնամոլութեան սերմանելն է՝ ազգային ոգով դաստիարակելը: Մի քանի օրուայ ընթացքին երիտասարդներուն սեմինարների միջոցով կը փորձուի լրացուցիչ գիտելիքներ փոխանցել, որուն արդիւնք, անոնք կը զինուին նոր գիտելիքներով եւ կը փորձեն այդ գիտելիքները կիրառել կեանքէն ներս:
«Դաշնակցութեան գաղափարները ինձ համար հարազատ են, բացի այդ, նպատակ ունեմ շարունակելու հօրս ճանապարհը, այդ պատճառով ընտրել եմ հէնց այս ուղին: Այս կառոյցը կարեւոր է նրանով, որ այստեղ տիրում է ընկերասիրութիւնը: Բանակումը նպաստում է, որպէսզի մենք ձեռք բերենք գիտելիքներ եւ ազգային արժէքներ, որոնք շատ կարեւոր են հայ երիտասարդի համար», ըսած է բանակումին մասնակցած՝ Տարօն Մանուկեան:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՎԱՀԱՆԸ ՊԻՏԻ ԸԼԼԱՐ 60 ՏԱՐԵԿԱՆ
Next post ՌԻՕ 2016.- ԵԶԱԿԻ ՈՍԿԻ ՄԵՏԱԼ ՄԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles