Ամերիկահայ
Հ.Յ.Դ. Ա.Մ.Ն. ԱՐԵՒԵԼԵԱՆ ՇՐՋԱՆԻ ԲԱՆԱԿՈՒՄԸ ՄԵԾ ՅԱՋՈՂՈՒԹԵԱՄԲ ՊՍԱԿՈՒԵՑԱՒ
Հ.Յ.Դ. Ա.Մ.Ն. Արեւելեան շրջանի «Շիրակեան» Կ.Կոմիտէն, մեծ յաջողութեամբ կազմակերպեց, շրջանի ընդհանուր բանակումը, Հոկտեմբեր 8էն 12, որ տեղի ունեցաւ «Քէմփ Հայաստան»ի (Ֆրէնքլին, Մասաչուսէց) մէջ:
Աւելի քան եօթանասուն բանակողներ մասնակցեցան եւ աւարտին, տեղի ունեցաւ երդման արարողութիւն, որուն ընթացքին, հինգ նորեկներ միացան Հ.Յ.Դ. շարքերէն ներս:
Այս բանակումին ընթացքին, կատարուեցան նաեւ դասախօսութիւններ եւ կլոր սեղաններ, Հայ Դատի հետ առնչուող հարցերու շուրջ:
